- Миллетни бойну – базыкъ, аны бла кюрешген – джазыкъ.
- Билимсиз иш бармаз.
- Джаш къарыу бла кючлю, къарт акъыл бла кючлю.
- Джол бла сёзню къыйыры джокъ.
- Ашыкъгъан cуу, тенгизге джетмез.
- Тамырсыз терекге таянма – джыгъылырса.
- Къыйынлы джети элни къайгъысын этер.
- Кёб джат да, бек чаб.
- Тойну къарнашы – харс, джырны къарнашы – эжиу.
- Ариуну – ауруу кёб.
- Къая джолда джортма, ачыкъ сёзден къоркъма.
- Ёгюзню мюйюзлери ауурлукъ этмейдиле.
- Аманны къуугъан, аманлыкъ табар.
- Телиге от эт десенг, юйюнге от салыр.
- Адам сёзюнден белгили.
- Намыс болмагъан джерде, насыб болмаз.
- Къарын къуру болса, джюрек уру болур.
- Мухардан ач ычхынмаз.
- Терек ауса, отунчу – кёб.
- Нёгерсизни джолу узун.
- Джахил болса анасы, не билликди баласы?
- Ашын ашагъанынгы, башын да сыйла.
- Гугурук къычырмаса да, тангны атары къалмаз.
- Эллинг бла джау болсанг да, юйюнг бла джау болма.
- Ханнга да келеди хариблик.
- Адамны джюреги нени кёрюрге сюйсе, кёзю да аны кёрюрге ёч болады.
- Иги джашны ышаны – аз сёлешиб, кёб тынгылар.
- Ач, тоймам, дейди, тойгъан, ач болмам, дейди.
- Халкъгъа джарагъан, джарлы къалмаз.
- От этилмеген джерден тютюн чыкъмайды.
- Дженгил джетерикме деб, узун джолну къоюб, къысхасын барма.
- Биреуню эскиси биреуге джангы болмайды.
- От кюйдюрген, сау болса да, тот кюйдюрген, сау болмаз.
- Аш хазыр болса, иш харам болур.
- Адамны аманы адамны бети бла ойнар.
- Бек анасы джыламаз.
- Билген билмегенни юретген адетди.
- Биреу ашаб къутулур, биреу джалаб тутулур.
- Тили узунну, намысы – къысха.
- Кютгени беш эчки, сызгъыргъаны уа, джерни джарады.
- Адам туугъан джеринде, ит тойгъан джеринде.
- Сыфатында болмагъаны, суратында болмаз.
- Ачыу алгъа келсе, акъыл артха къалады.
- Ишлерге уял да, ашаргъа табма.
- Къыйынлы джети элге оноу этер.
- Къазанда болса, чолпугъа чыгъар.
- Ашлыкъны арба юйге келтирир, чана базаргъа элтир.
- Оюмсуз атлагъан, аджалсыз ёлюр.
- Таукелге нюр джауар.
- Дууулдаса – бал чибин, къонса – къара чибин.
Профиль
|
|
|
|||