- Сакъ юйюне сау барыр.
- Джаралыны джастыгъында сау ёлюр.
- Аман къатын сабий табса, бий болур…
- Сабий кёргенин унутмаз.
- Башсыз урчукъ тюзюне айланмаз.
- Элде адам къалмаса, ит тахтагъа минер.
- Ауузу аманнга «иги», деме.
- Ёксюзню тилеги къабыл болур.
- Сабий болмагъан джерде, мёлек болмаз.
- Ишленмеклик адамлыкъды.
- Юйлю уругъа ит чабмаз.
- Къыйынлы джети элге оноу этер.
- Аджалсыз ёлюм болмаз.
- Адам къаллай бир ишленмесе, аллай бир кесин уллу кёреди.
- Тюзлюк тас болмайды.
- Адам боллукъ, атламындан белгили болур.
- Кёбге таш атма.
- Ат да турмайды бир териде.
- Джашда акъыл джокъ, къартда къарыу джокъ.
- Азыгъы аз, алгъа къабар, аты аман, алгъа чабар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Керти сёзге тёре джокъ.
- Тойгъан джерден туугъан джер игиди.
- Къыз келсе, джумуш эте келеди, къатын келсе, ушакъ эте келеди.
- Къыз тиширыу кеси юйюнде да къонакъды.
- Къар – келтирди, суу – элтди.
- Олтуруб кёрюнмей эди да, ёрге туруб кёрюне эди.
- Иги сеники эсе да, сюйген кесимикин этеме.
- Рысхы – насыбха къор.
- Хансыз джомакъ болмаз.
- Джукъу тёшек сайламайды.
- Тели турса – той бузар.
- Хата – гитчеден.
- Ашаса, ашамаса да, бёрюню ауузу – къан.
- Мураты болгъанны джюрек тебюую башхады.
- Адам къыйынлыгъын кёлтюрюр, зауукълугъун кёлтюрмез.
- Джюрек кёзден алгъа кёрюр.
- Адебни адебсизден юрен.
- Акъыллы айтыр эди, акъылсыз къоймайды.
- Джангыз терек къынгыр ёсер.
- Ана – юйню кюн джарыгъы.
- Дуния аламаты сен эсенг да, игиме деб айтма.
- Къонакъ хазыр болгъанлыкъгъа, къонакъбай хазыр тюлдю.
- Ата – билек, ана – джюрек!
- Тилчи тилден къаныкъмаз.
- Къазанны башы ачыкъ болса, итге уят керекди.
- Къошда джокъгъа – юлюш джокъ.
- Акъыл сабырлыкъ берир.
- Юреннген ауруу къалмаз.
- Эринчекге кюн узун.
Профиль
|
|
|||