- Борчунг бар эсе, хурджунунга ойлаб узал.
- Джумушакъ терекни къурт ашар.
- Джыйырма къойну юч джыйырма эбзе кюте эди.
- Ёзденликни кёбю ётюрюк.
- Уллу сёзде уят джокъ.
- Окъуу – билимни ачхычы, окъуу – дунияны бачхычы.
- Ач да бол, токъ да бол – намысынга бек бол.
- Адам къыйынлыгъын кёлтюрюр, зауукълугъун кёлтюрмез.
- Байма, деб да, къууанма, джарлыма, деб да, джылама.
- Адамгъа аман кюн соруб келмейди.
- Хар адамгъа кеси миннген тау кибик.
- Ашына кёре табагъы, балына кёре къалагъы.
- Ышармагъан – кюлмез, кюлмеген – къууанчны билмез.
- Чоюнну башы ачыкъ болса, итге уят керекди.
- Къазанда болса, чолпугъа чыгъар.
- Кюлме джашха – келир башха.
- От этилмеген джерден тютюн чыкъмайды.
- Аджаллыгъа окъсуз шкок атылыр.
- Байны оноуу, джарлыгъа джарамаз.
- Акъыл неден да кючлюдю.
- Бир абыннган – минг сюрюнюр.
- Ханнга да келеди хариблик.
- Хоншуну тауугъу къаз кёрюнюр, келини къыз кёрюнюр.
- Айтхан сёзюне табылгъан.
- Намысы джокъну – дуниясы джокъ.
- Тойну къарнашы – харс, джырны къарнашы – эжиу.
- Атлыны ашхысы, ат тизгининден билинир
- Билмезни кёзю кёрмез, этмезни къулагъы эшитмез.
- Миллетни бойну – базыкъ, аны бла кюрешген – джазыкъ.
- «Ма», - дегенни билмесенг, «бер», - дегенни билмезсе.
- Терслик кетер, тюзлюк джетер.
- Тил – кесген бычакъ, сёз – атылгъан окъ.
- Ётюрюкню башын керти кесер.
- Ёлюр джаннга, ёкюл джокъ.
- Этни бети бла шорпасы.
- Эли джокъну – кёлю джокъ.
- Башсыз урчукъ тюзюне айланмаз.
- Башланнган иш битер, къымылдагъан тиш тюшер.
- Битмегеннге сакъал – танг.
- Тилде сюек болмаса да, сюек сындырыр.
- Телиге от эт десенг, юйюнге от салыр.
- Къонакъ аман болса, къонакъбай джунчур
- Аллахха ийнаннган кишини, Аллах онгдурур ишин.
- Адебни адебсизден юрен.
- Билимли ёлмез, билимсиз кёрмез.
- Арыгъан къош чамчы болур.
- Адамны аты башхача, акъылы да башхады.
- Иги болса, тамадама – махтау, аман болса, меннге – айыб.
- Тенгни тенглиги джашай барсанг билинир.
- Алгъанда – джууукъ, бергенде – джау.
Профиль
|
|
|
|||