- Эки ойлашыб, бир сёлешген.
- Душманны тышы – акъ, ичи – къара.
- Чёбню кёлтюрсенг, тюбюнден сёз чыгъар.
- Джюрекге ариу – кёзге да ариу.
- Этек чакъмакълары баш джаргъан, сёлешген сёзлери таш джаргъан.
- Джаз бир кюнню джатсанг, къыш талай кюнню абынырса.
- Биреуню тёрюнден, кесинги эшик артынг игиди.
- Халкъны юйю – туугъан джери.
- Сютден ауузу кюйген, суугъа юфгюре эди.
- Дуния мал дунияда къалады.
- Къарт айтханны этмеген, къартаймаз.
- Минг тенг да азды, бир джау да кёбдю.
- Хатерли къул болур.
- Ачыкъ джюрекге джол – ачыкъ.
- Борчунг бар эсе, хурджунунга ойлаб узал.
- Тойгъан джерге джети къайт.
- Ашыкъгъан cуу, тенгизге джетмез.
- Джырчы джырчыгъа – къарнаш.
- Къазанчы аман болса, къазаны къайнамаз.
- Кёб джашагъан – кёб билир.
- Билеги кючлю, бирни джыгъар, билими кючлю, мингни джыгъар.
- Акъыллы – эл иеси, тели – эл баласы.
- Кёбню кёрген – кёб билир.
- Ач да бол, токъ да бол – намысынга бек бол.
- Телиге акъыл салгъандан эсе, ёлгеннге джан салырса.
- Билгенни къолу къарны джандырыр.
- Тойгъа барсанг, тоюб бар, эски тонунгу къоюб бар.
- Джарлыны эшигин махтагъан джабар.
- Билим насыб берир, билим джолну керир.
- От этилмеген джерден тютюн чыкъмайды.
- Джогъун бар этген, барын бал этген.
- Хар зат кесини орнуна иги.
- Билген билмегенни юретген адетди.
- Келинни – келгинчи, бёркню кийгинчи кёр.
- Билимден уллу байлыкъ джокъду.
- Хар ишни да аллы къыйынды.
- Суугъа – таянма, джаугъа – ийнанма.
- Иги сеники эсе да, сюйген кесимикин этеме.
- Хар адамгъа кеси миннген тау кибик.
- Телиге от эт десенг, юйюнге от салыр.
- Аман эсирсе, юйюн ояр.
- Иги болса, тамадама – махтау, аман болса, меннге – айыб.
- Къуру гыбыт бек дыгъырдар.
- Билим – акъылны чырагъы.
- Халкъны джырын джырласанг, халкъ санга эжиу этер.
- Чабар ат – джетген къыз.
- Къарыусузгъа кюлме, онгсузгъа тийме.
- Тёгюлген тюгел джыйылмайды.
- Чакъырылмагъан джерге барма, чакъырылгъан джерден къалма.
- Къолу уллу – асыу, аягъы уллу – джарсыу.
Профиль
|
|
|
|||