- Къаллай салам берсенг, аллай джууаб алырса.
- Тойгъа алгъа да барма, тойда артха да къалма.
- Ач келгенни – тойдур, кеч келгенни – къондур.
- Сескекли кесин билдирир.
- Ётюрюкню къуйругъу – бир тутум.
- Аман хансны – урлугъу кёб.
- Ёнгкюч къууана барыр, джылай келир.
- Ачыу алгъа келсе, акъыл артха къалады.
- Танг атмайма десе да, кюн къоярыкъ тюйюлдю.
- Ауругъанны сау билмез, ач къарынны токъ билмез.
- Уруну арты – къуру.
- Аз сёлеш, кёб ишле.
- Ана – юйню кюн джарыгъы.
- Сакъалы текени да бар, мыйыгъы киштикни да бар.
- Иесиз малны бёрю ашар.
- Сёлеш деб шай берген, тохта деб, сом берген.
- Малны кют, джерни тюрт.
- Этек чакъмакълары баш джаргъан, сёлешген сёзлери таш джаргъан.
- Ата Джуртун танымагъан, атасын да танымаз.
- Кёкдеги болмаса, джердегин кёрмейди.
- Аджашхан тёгерек айланыр.
- Ата – баланы уясы.
- Аман киши кеси юйюнде – къонакъ.
- Биреуге аманлыкъны тилеме да, кесинге ашхылыкъны тиле.
- Ханы къызы буюгъа-буюгъа киштик болду.
- Ашхы адам – халкъ байлыгъы, ашхы джер – джашау байлыгъы.
- Орну джокъну – сыйы джокъ.
- Джахил болса анасы, не билликди баласы?
- Адамгъа аман кюн соруб келмейди.
- Къолу уллу – асыу, аягъы уллу – джарсыу.
- Азыкълы ат арымаз, къатыны аман джарымаз.
- Суу ичген шауданынга тюкюрме.
- Нёгер болсанг, тенг бол, тенг болмасанг, кенг бол.
- Тенги кёбню джау алмаз, акъылы кёбню дау алмаз.
- Чакъырылмагъан къонакъ тёрге атламаз.
- Билим ат болуб да чабар, къуш болуб да учар.
- Джан саулукъ бермей, сан саулукъ бермезсе.
- Адеби болмагъан къыз – тузсуз хант.
- Эл элде бирер малынг болгъандан эсе, бирер тенгинг болсун.
- Тамырсыз терекге таянма – джыгъылырса.
- Тура эдим джата, къайдан чыкъды хата?
- Чёбню кёлтюрсенг, тюбюнден сёз чыгъар.
- Келгинчи, къонакъ уялыр, келгенден сора, къонакъбай уялыр.
- Минг тенг да азды, бир джау да кёбдю.
- Билимли ёлмез, билимсиз кёрмез.
- Ана къолу ачытмаз.
- Чабар ат – джетген къыз.
- Халкъгъа джарагъан, джарлы къалмаз.
- Ишге юренсин къоллары, халкъ бла болсун джоллары.
- Бермеген къол, алмайды.
Профиль
|
|
|||