- Сютню башын джалагъан къутулур, тюбюн ичген тутулур.
- Джаралыны джастыгъында сау ёлюр.
- Чабакъ башындан чирийди.
- Эки ойлашыб, бир сёлешген.
- Иги болса, тамадама – махтау, аман болса, меннге – айыб.
- Джахил болса анасы, не билликди баласы?
- Суугъа – чабакъ, къаягъа – ыргъакъ.
- Ашыкъгъанны этеги бутуна чырмалыр.
- Дуния малгъа сатылма, кесингден телиге къатылма.
- Гугурук къычырмаса да, тангны атары къалмаз.
- Керек ташны ауурлугъу джокъ.
- Акъдан къара болмаз.
- Ач къалгъандан, кеч къалгъан къолай.
- Ашлыкъ – бюртюкден, джюн – тюкден.
- Илму – джашауну джолу.
- Ёлген аслан – сау чычхан.
- Ауругъанны сау билмез, ач къарынны токъ билмез.
- Чакъырылмагъан къонакъ – орунсуз.
- Бети къызарыучу адамны, джюреги харам болмаз.
- Керти сёзге тёре джокъ.
- Мураты болгъанны джюрек тебюую башхады.
- Ургъан суудан башынгы сакъла.
- Эри аманны, къатыны – аман.
- Алгъанда – джууукъ, бергенде – джау.
- Эртде тургъан джылкъычыны эркек аты тай табар.
- Уллу айтханны этмеген – уллаймаз.
- Ашхы атаны – джашы ашхы, ашхы ананы – къызы ашхы.
- Кёзю сокъурдан – къоркъма, кёлю сокъурдан – къоркъ.
- Ат да турмайды бир териде.
- Адеб этмеген, адеб кёрмез.
- Джангыз терек къынгыр ёсер.
- Тас болгъан бычакъны сабы – алтын.
- Ишин билген, аны сыйын чыгъарады.
- Тойну къарнашы – харс, джырны къарнашы – эжиу.
- Сютден ауузу кюйген, суугъа юфгюре эди.
- Азыкълы ат арымаз, къатыны аман джарымаз.
- Аман къатын сабий табса, бий болур…
- Алтыннга тот къонмаз.
- Азыкъ аз болса, эртде орун сал.
- Бек ашыкъгъан меннге джетсин, дегенди аракъы.
- Ауузу бла къуш тута айланады.
- Урунуу – насыбны анасы.
- Алтыда кюлмеген, алтмышда кюлмез.
- Атынг аманнга чыкъгъандан эсе, джанынг тамагъынгдан чыкъсын.
- Мал кёб болса, джууукъ кёб болур.
- Тынгылагъан тынгы бузар.
- Адам къаллай бир ишленмесе, аллай бир кесин уллу кёреди.
- Юйюнг бла джау болгъандан эсе, элинг бла джау бол.
- Аш иеси бла татлыды.
- Тёрени джагъы джокъ.
Профиль
|
|
|||