Эльбрусоид :: Форум

Джарлыны тону джаз битер.
Харам къарнашдан, халал тенг ашхы.
Акъыл бла адеб эгизледиле.
Сагъыш – къартлыкъгъа сюйюмчю.
Насыблы элин сюер, насыбсыз кесин сюер.
Къошда джокъгъа – юлюш джокъ.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Мухар, кеси тойса да, кёзю тоймаз.
Аш кетер да бет къалыр.
Игини сыйлагъан адетди.
Гугук кесини атын айтыб къычыргъанча, мен, мен деб нек тураса?
Уллу сёзде уят джокъ.
Ауругъан – джашаудан умутчу.
Акъыллы башны – тили къысха.
Ашхы атаны – джашы ашхы, ашхы ананы – къызы ашхы.
Сескекли кесин билдирир.
Аман къатын сабий табса, бий болур…
Ариу сёз – джаннга азыкъ, аман сёз – башха къазыкъ.
Бозанг болмагъан джерге, къалагъынгы сукъма.
Ёлген эшек бёрюден къоркъмайды.
Чалманны аллы къалай башланса, арты да алай барады.
Байма, деб да, къууанма, джарлыма, деб да, джылама.
Эркишини аманы тиширыуну джылатыр.
Башда акъыл болмаса, эки аякъгъа кюч джетер.
Джерни букъусу кёкге къонмаз.
Ат да турмайды бир териде.
Къыз чыгъаргъан – къызыл къымжа.
Иесиз малны бёрю ашар.
Кёкдеги болмаса, джердегин кёрмейди.
Джукъу тёшек сайламайды.
«Ёгюз, джаргъа джууукъ барма, меннге джюк боллукъса», - дегенди эшек.
Тилчи тилден къаныкъмаз.
Хазыр ашха – терен къашыкъ.
Бек анасы джыламаз.
Кечеси – аяз, кюню – къыш, джарлы къаргъагъа бир аш тюш!
Биреуге аманлыкъны тилеме да, кесинге ашхылыкъны тиле.
Эл ауузу – элек, анга ийнаннган – халек.
Эри аманны, къатыны – аман.
Ашда уялгъан – мухар, ишде уялгъан – хомух.
Чыбыкълыкъда бюгюлмеген, къазыкълыкъда бюгюлмей эди.
Чакъырылмагъан къонакъ тёрге атламаз.
Накъырданы арты керти болур.
Джети тилни билген джети кишиди.
Нарт сёз къарт болмаз.
Экиндини кеч къылсанг, чабыб джетер ашхам.
Зар адамны насыбы болмаз.
Этек чакъмакълары баш джаргъан, сёлешген сёзлери таш джаргъан.
Къарын къуру болса, джюрек уру болур.
Минг тенг да азды, бир джау да кёбдю.
Аман адамны тепсинге олтуртсанг, къызынгы тилер.

Логин:
Пароль:
	Запомнить меня на этом компьютере

Забыли свой пароль?
Регистрация