- Адам сёзюнден белгили.
- Таукел адам тау тешер.
- Босагъа таш юйге кирмей эди, тыбыр таш эшикге чыкъмай эди.
- Ичимден чыкъды хата, къайры барайым сата?
- Ашхы – джыяр, аман – джояр.
- Джангыз терек къынгыр ёсер.
- Ашарыкъда сайлагъаннга – чий гырджын.
- Адебсиз адам – джюгенсиз ат.
- Эрине къаргъыш этген къатын, эрнин къабар.
- Эртде тургъан бла эртде юйленнген сокъуранмаз.
- Суу ичген шауданынга тюкюрме.
- Таугъа чыгъаллыкъ эсенг, тюзде къалма.
- Элиб деген, элге болушур.
- Онгсузну – джакъла, тенгликни – сакъла.
- Орну джокъну – сыйы джокъ.
- Урунуу – насыбны анасы.
- Ёксюзню тилеги къабыл болур.
- Кийиминг бла танылма, адамлыкъ бла таныл.
- Джырчы джырчыгъа – къарнаш.
- Атлыны кёрсе, джаяуну буту талыр.
- Къыйынлы джети элге оноу этер.
- Акъыллы – эл иеси, тели – эл баласы.
- Ашда – бёрю, ишде – ёлю.
- Башынга джетмегенни сорма.
- Орундукъ тюбюнде атылсам да, орта джиликме, де да айлан.
- Тойгъан джерден туугъан джер игиди.
- Ёлген эшек бёрюден къоркъмайды.
- Ишин билген, аны сыйын чыгъарады.
- Ашлыкъны арба юйге келтирир, чана базаргъа элтир.
- Сакъалы текени да бар, мыйыгъы киштикни да бар.
- Джигер – джаннга къыйынлыкъ.
- Зарда марда джокъ.
- Ачлыкъда тары гырджын халыуадан татлы.
- Дууулдаса – бал чибин, къонса – къара чибин.
- Чоюнну башы ачыкъ болса, итге уят керекди.
- Къатыны харакетли болса, эри къымсыз болур.
- Aдам боллукъ, сыфатындан белгили.
- Мени джылытмагъан кюн, меннге тиймесин!
- Азыкъ аз болса, эртде орун сал.
- Огъурлуну сёзю – суу, огъурсузну сёзю – уу.
- Кюл тюбюндеги от кёрюнмейди.
- Ашхы тенг джолгъа салыр, аман тенг джолдан тайдырыр.
- Къуру гыбыт бек дыгъырдар.
- Бозаны арты дауур болур.
- Къобан да къуру да къобханлай турмайды, адам да къуру да патчахлай турмайды.
- Булут кёкге джарашыу, уят бетге джарашыу.
- Экиндини кеч къылсанг, чабыб джетер ашхам.
- Кёлю джокъну – джолу джокъ.
- Кесинге джетмегенни, кёб сёлешме.
- Уллу сёлешме да, уллу къаб.
Профиль
|
|
|||