- Юйлю уругъа ит чабмаз.
- Байма, деб да, къууанма, джарлыма, деб да, джылама.
- Аууз сакълагъан – джан сакълар.
- Байлыкъ болгъан джерде, тынчлыкъ джокъду.
- Айныгъанлы алты кюн, тогъайгъанлы тогъуз кюн.
- Бети къызарыучу адамны, джюреги харам болмаз.
- Джыланны къуйругъундан басарынг келсе, аны башы болгъанын унутма.
- Ариу сёз джыланны орнундан чыгъарыр.
- Билим насыб берир, билим джолну керир.
- Адеби болмагъан къыз – тузсуз хант.
- Ишлегенде эринме, ишде чолакъ кёрюнме.
- Малны кют, джерни тюрт.
- Аджаллыгъа окъсуз шкок атылыр.
- Тай асырагъан, атха минер.
- Къазанда болса, чолпугъа чыгъар.
- Тойгъа барсанг, тоюб бар, эски тонунгу къоюб бар.
- Дууулдаса – бал чибин, къонса – къара чибин.
- Бичгенде ашыкъма, тикгенде ашыкъ.
- Къартха ушагъан джаш – акъыллы, джашха ушагъан къарт – тели.
- Артына баргъанны, къатына барма.
- Таш бла ургъанны, аш бла ур.
- Кийим тукъум сордурур.
- Юй ишлеген балта эшикде къалыр.
- Хантына кёре тузу, юйюне кёре къызы.
- Ашхы – джыяр, аман – джояр.
- Ишлерге уял да, ашаргъа табма.
- Адам къаллай бир ишленмесе, аллай бир кесин уллу кёреди.
- Кюн кёрмеген, кюн кёрсе, кюндюз чыракъ джандырыр.
- Иши джокъну, сыйы джокъ.
- Ёзденликни кёбю ётюрюк.
- Айранын берсенг, челегин да къызгъанма.
- Къобан да къуру да къобханлай турмайды, адам да къуру да патчахлай турмайды.
- Билмегенинги, билгеннге сор.
- Ашхы сёз таш тешер.
- Киштикге къанат битсе, чыпчыкъ къалмаз эди.
- Бет бетге къараса, бет да джерге къарар.
- Джолда аягъынга сакъ бол, ушакъда тилинге сакъ бол.
- Аманнга игилик этсенг, юйюнге сау бармазса.
- Таугъа чыгъаллыкъ эсенг, тюзде къалма.
- Эринчекге кюн узун.
- Къар – келтирди, суу – элтди.
- Олтуруб кёрюнмей эди да, ёрге туруб кёрюне эди.
- Джиби бир къат джетмей эди да, эки къат тарта эди.
- Таш ата билмеген, башына урур.
- Адам сёзюнден белгили.
- Сабийликде юретмесенг, уллу болса – тюзелмез.
- Эм ашхы къайын ана мамукъ бла башынгы тешер.
- Ёпкелегенни ашы татлы болады.
- Къарнынг къанлынга кийирир.
- Танг атмайма десе да, кюн къоярыкъ тюйюлдю.
Профиль
|
|
|||