- Этим кетсе да, сюегим къалыр.
- Арба аугъандан сора, джол кёргюзтюучю кёб болур.
- Къазанчы аман болса, къазаны къайнамаз.
- Сабыр джетер муратха, сабырсыз къалыр уятха.
- Кеси юйюмде мен да ханма.
- Малны кют, джерни тюрт.
- Гитче джилтин уллу элни джандырыр.
- Ариу сёзде ауруу джокъ.
- Олтуруб кёрюнмей эди да, ёрге туруб кёрюне эди.
- Бойнуму джети джерден кессенг да, мен ол ишни этеллик тюлме.
- Ач – эснер, ат – кишнер.
- Ётюрюкню къуйругъу – бир тутум.
- Чакъырылгъанны аты, чакъырылмагъанны багъасы болур.
- Кёбге таш атма.
- Тил – кесген бычакъ, сёз – атылгъан окъ.
- Тин – байлыгъынг, терен саулугъунг.
- Чабар ат – джетген къыз.
- Сакъламагъан затынга джолукъсанг, не бек къууанаса, не бек ачыйса.
- Ашхы тенг джолгъа салыр, аман тенг джолдан тайдырыр.
- Байма, деб да, къууанма, джарлыма, деб да, джылама.
- Чакъырылмагъан джерге барма, чакъырылгъан джерден къалма.
- Окъумагъан сокъурду, сокъур ташха абыныр!
- Бозаны арты дауур болур.
- Намыс болмагъан джерде, насыб болмаз.
- Кёбню кёрген – кёб билир.
- Эл элде бирер малынг болгъандан эсе, бирер тенгинг болсун.
- Ач отунчуну ачыуу – бурнунда.
- Ашатыргъа иш – ашхы, ишлетирге аш – ашхы.
- Тура эдим джата, къайдан чыкъды хата?
- Къолу уллу – асыу, аягъы уллу – джарсыу.
- Сёз къанатсыз учар.
- Таукел адам тау тешер.
- Сагъыш – къартлыкъгъа сюйюмчю.
- Эри аманны, къатыны – аман.
- Бек ашыкъгъан меннге джетсин, дегенди аракъы.
- Тенгинг джокъ эсе – изле, бар эсе – сакъла!
- Чалманны аллы къалай башланса, арты да алай барады.
- Айыбны суу бла джууалмазса.
- Кенгеш болса, уруш болмаз.
- Чакъырылмай келген къонакъ сыйланмай кетер.
- Къонакъны къачан кетерин сорма, къачан келлигин сор.
- Туз, гырджын аша, тюзлюк бла джаша.
- Ашлыкъ – бюртюкден, джюн – тюкден.
- Аман адам элни бир-бирине джау этер.
- Эллинг бла джау болсанг да, юйюнг бла джау болма.
- Къазанда болса, чолпугъа чыгъар.
- Уллу къазанда бишген эт, чий къалмаз.
- Тюз сёз баргъан сууну тыяр.
- Бюгюн дуния кибик, тамбла ахыратды.
- Кесине оноу эте билмеген, халкъына да эте билмез.
Профиль
|
|
|
|||