- Адамны аманы адамны бети бла ойнар.
- Тамырсыз терекге таянма – джыгъылырса.
- Биреуню къыйынлыгъы бла кесинге джол ишлеме.
- Эринчекге кюн узун.
- Тил джюрекге джол ишлейди.
- Эки итни арасына сюек атма, эки адамны арасында сёз чыгъарма.
- Ишлегенден, къарагъан уста.
- Ётюрюк хапар аякъ тюбю бла джюрюйдю.
- Мени джылытмагъан кюн, меннге тиймесин!
- Адамны артындан къара сабан сюрме.
- Мал ёлсе, сюек къалыр, адам ёлсе, иши къалыр.
- Керти сёзге тёре джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аллахдан тилесенг, кёб тиле.
- Бичгенде ашыкъма, тикгенде ашыкъ.
- Къызбайны юйюне дери сюрсенг, батыр болур.
- Къуру гыбыт бек дыгъырдар.
- Билим насыб берир, билим джолну керир.
- Ата джурт – алтын бешик.
- Джарлыны тону джаз битер.
- Аман адам элни бир-бирине джау этер.
- Адам къаллай бир ишленмесе, аллай бир кесин уллу кёреди.
- Нарт сёз – тилни бети.
- Чомартха Тейри да борчлуду.
- Юйюнгден чыкъдынг – кюнюнгден чыкъдынг.
- Ариу сёз аурууунгу алыр.
- Джаз бир кюнню джатсанг, къыш талай кюнню абынырса.
- Сабий болмагъан джерде, мёлек болмаз.
- Джиби бир къат джетмей эди да, эки къат тарта эди.
- Эртде тургъан бла эртде юйленнген сокъуранмаз.
- Биреуге кёлтюрген таягъынг, кесинги башынга урур.
- Джети тилни билген джети кишиди.
- Акъыллы эркиши атын махтар, акъылсыз эркиши къатынын махтар.
- Ёлген эшек бёрюден къоркъмайды.
- Эллинг бла джау болсанг да, юйюнг бла джау болма.
- Ишни ахырын ойламай, аллын башлама.
- Хоншуну тауугъу къаз кёрюнюр, келини къыз кёрюнюр.
- Уллу сёлешме да, уллу къаб.
- Кёзню ачылгъаны – иги, ауузну джабылгъаны – иги.
- Чомарт къонакъ юй иесин сыйлар.
- Ауругъаннга – кийик саулукъ, джетген къызгъа – чилле джаулукъ.
- Джахил болса анасы, не билликди баласы?
- Акъыл къартда, джашда тюйюлдю – башдады.
- Айырылмаз джууугъунга, унутмаз сёзню айтма.
- Иши джокъну, сыйы джокъ.
- Джарлыны эшигин махтагъан джабар.
- Ёзденликни кёбю ётюрюк.
- Узун джолну барсанг, бюгюн келирсе, къысха джолну барсанг, тамбла келирсе.
- Мал кёб болса, джууукъ кёб болур.
- Биреуге аманлыкъны тилеме да, кесинге ашхылыкъны тиле.
Профиль
|
|
|
|||