- Къыз чыгъаргъан – къызыл къымжа.
- Ишлемеген – тишлемез.
- Биреуню къыйынлыгъы бла кесинге джол ишлеме.
- Джарлыны тону джаз битер.
- Юйлю уругъа ит чабмаз.
- Кирсизни – саны таза, халалны – къаны таза.
- Чомарт бергенин айтмаз.
- Этек чакъмакълары баш джаргъан, сёлешген сёзлери таш джаргъан.
- Сескекли кесин билдирир.
- Кесинге джетмегенни, кёб сёлешме.
- Арба аугъандан сора, джол кёргюзтюучю кёб болур.
- Накъырда – кертини келечиси.
- Билим – акъылны чырагъы.
- Сангырау къулакъ эл бузар.
- Джаным-тиним – окъуу, билим.
- Ашлыкъ – бюртюкден, джюн – тюкден.
- Чомарт къолда мал къалмаз.
- Битмегеннге сакъал – танг.
- Бюгюн дуния кибик, тамбла ахыратды.
- Ишленмеген джаш – джюгенсиз ат, ишленмеген къыз – тузсуз хант.
- Аллахха ийнаннган кишини, Аллах онгдурур ишин.
- Ашаса, ашамаса да, бёрюню ауузу – къан.
- Акъыл сабырлыкъ берир.
- Къызбайны юйюне дери сюрсенг, батыр болур.
- Бир абыннган – минг сюрюнюр.
- Билмейме деген – бир сёз
- Къатын къылыкъсыз, эр тынчлыкъсыз.
- Ашхы сёз таш тешер.
- Ачыкъ джюрекге джол – ачыкъ.
- Аманны тукъумуна къарама, игини тукъумун сорма.
- Ёгюзню мюйюзлери ауурлукъ этмейдиле.
- Ышармагъан – кюлмез, кюлмеген – къууанчны билмез.
- Ичимден чыкъды хата, къайры барайым сата?
- Иши джокъну, сыйы джокъ.
- Эртде тургъан бла эртде юйленнген сокъуранмаз.
- Дуния мал дунияда къалады.
- Уллу сёзде уят джокъ.
- Гитче джилтин уллу элни джандырыр.
- Игини сыйлагъан адетди.
- Тилчиден кери бол.
- Артына баргъанны, къатына барма.
- Тойгъан джерден туугъан джер игиди.
- Тели турса – той бузар.
- Ашын ашагъанынгы, башын да сыйла.
- Ашыкъгъан cуу, тенгизге джетмез.
- Таякъ этден ётер, тил сюекден ётер.
- Ханнга да келеди хариблик.
- Нарт сёз къарт болмаз.
- Эртде тургъан джылкъычыны эркек аты тай табар.
- Ойнаб айтсанг да, эслеб айт.
Профиль
|
|
|
|||