- Ач, тоймам, дейди, тойгъан, ач болмам, дейди.
- Уллу къашыкъ эрин джыртар.
- Чакъырылмагъан къонакъ – орунсуз.
- Ауурну тюбю бла, дженгилни башы бла джюрюген.
- Эки къатын алгъанны къулагъы тынгнгаймаз.
- Къазанны башы ачыкъ болса, итге уят керекди.
- Бет бетге къараса, бет да джерге къарар.
- Юреннген ауруу къалмаз.
- Чабакъ башындан чирийди.
- Ач уят къоймаз.
- Ариу сёзде ауруу джокъ.
- Тик ёргени, тик энгишгеси да болады.
- Чыкълы кюнде чыкъмагъан, чыкъса къуру кирмеген.
- Тюзлюк тас болмайды.
- Адамны адамлыгъы къыйынлыкъда айгъакъланады.
- Ат басханны джер билед.
- Кёб джат да, бек чаб.
- Тойну къарнашы – харс, джырны къарнашы – эжиу.
- Кёбню кёрген – кёб билир.
- Джыгъылгъанны сырты джерден тоймаз.
- Ёлюр джаннга, ёкюл джокъ.
- Ёзденликни джайгъан – джокълукъ.
- Нёгерсизни джолу узун.
- Джерни букъусу кёкге къонмаз.
- Ана – юйню кюн джарыгъы.
- Ёпкелегенни ашы татлы болады.
- Тас болгъан бычакъны сабы – алтын.
- Ётюрюк хапар аякъ тюбю бла джюрюйдю.
- Чомартны къолу берекет.
- Ашарыкъда сайлагъаннга – чий гырджын.
- Джарлы тюеге минсе да, ит къабар.
- Аманнга да, игиге да оноусуз къатышма.
- Алма терегинден кери кетмез.
- Эркишиге тары кебек танг кёрюнюр.
- Тойчу джашха къарама, къойчу джашха къара.
- Чыбыкълыкъда бюгюлмеген, къазыкълыкъда бюгюлмей эди.
- Ашаса, ашамаса да, бёрюню ауузу – къан.
- Асхат ашлыкъ сата, юйдегиси ачдан къата.
- Бети къызарыучу адамны, джюреги харам болмаз.
- Аш хазыр болса, иш харам болур.
- Баланы адам этген анады.
- Атлыны кёрсе, джаяуну буту талыр.
- Магъанасыз сёз – тауушсуз сыбызгъы.
- Къызны минг тилер, бир алыр.
- Къызгъанчдан ычхыныр, мухардан ычхынмаз.
- Аман адамны тепсинге олтуртсанг, къызынгы тилер.
- Къарнынг ауруса, ауузунгу тый
- Ачылгъан эт джабылыр, кёрген кёз унутмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Ёмюрлюк шохлукъну джел элтмез.
Профиль
|
|
|
|||