- Мал тутхан – май джалар.
- Ата Джуртча джер болмаз, туугъан элча эл болмаз.
- Аш хазыр болса, иш харам болур.
- Юреннген ауруу къалмаз.
- Зар адамны насыбы болмаз.
- Аджашханны ызындагъы кёреди, джангылгъанны джанындагъы биледи.
- Тулпарлыкъ, билекден тюл – джюрекден.
- Сибиртки да сыйлы болду, кюрек да кюнлю болду.
- Адам боллукъ, атламындан белгили болур.
- Билгенни къолу къарны джандырыр.
- Къалгъан ишге къар джауар.
- Аз сёлеш, кёб ишле.
- Садакъачыны джаны – къапчыгъында.
- Мен да «сен», дейме, сен да «кесим», дейсе.
- Борчунг бар эсе, хурджунунга ойлаб узал.
- Аман къатын сабий табса, бий болур…
- Чомартны къолун джокълукъ байлар.
- Минг тенг да азды, бир джау да кёбдю.
- Эринчекге кюн узун.
- Халкъны джырын джырласанг, халкъ санга эжиу этер.
- Джарлы тюеге минсе да, ит къабар.
- Кёзден кетген, кёлден да кетеди.
- Таукел адам тау тешер.
- Акъыл бла адеб эгизледиле.
- Алим болгъандан эсе, адам болгъан къыйынды.
- Эркишиге тары кебек танг кёрюнюр.
- Ишлегенде эринме, ишде чолакъ кёрюнме.
- Къатыны харакетли болса, эри къымсыз болур.
- Терслик кетер, тюзлюк джетер.
- Эл ауузу – элия.
- Кеси юйюмде мен да ханма.
- Кёзю сокъурдан – къоркъма, кёлю сокъурдан – къоркъ.
- Уясында не кёрсе, учханында аны этер.
- Ач келгенни – тойдур, кеч келгенни – къондур.
- Чалманны аллы къалай башланса, арты да алай барады.
- Сёз сёзню айтдырыр.
- Элни кючю – эмеген.
- Кечеси – аяз, кюню – къыш, джарлы къаргъагъа бир аш тюш!
- Къарт айтханны этмеген, къартаймаз.
- Таукелге нюр джауар.
- Джаш къарыу бла кючлю, къарт акъыл бла кючлю.
- Сангырау къулакъ эл бузар.
- Кёб джашагъан – кёб билир.
- Иги адам абынса да, джангылмаз.
- Ким бла джюрюсенг, аны кёзю бла кёрюнюрсе.
- Халкъгъа джарагъан, джарлы къалмаз.
- Этни бети бла шорпасы.
- Бети бедерден, намыс сакълама.
- Баланы адам этген анады.
- Бойнуму джети джерден кессенг да, мен ол ишни этеллик тюлме.
Профиль
|
|
|||