- Ушамагъан – джукъмаз.
- Хар адамгъа кеси миннген тау кибик.
- Ашхы – джыяр, аман – джояр.
- Нарт сёз къарт болмаз.
- Аманны тукъумуна къарама, игини тукъумун сорма.
- Зар адам ашынгы ашар, кесинги сатар.
- Окъугъан – асыу, окъумагъан – джарсыу.
- Аууздан келген, къолдан келсе, ким да патчах болур эди.
- Ишленмеген джаш – джюгенсиз ат, ишленмеген къыз – тузсуз хант.
- Зарда марда джокъ.
- Борчунг бар эсе, хурджунунга ойлаб узал.
- Къарнынг ауруса, ауузунгу тый
- Орну джокъну – сыйы джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Билимден уллу байлыкъ джокъду.
- Тилчиден кери бол.
- Бети – къучакълар, джюреги – бычакълар.
- Къобан да къуру да къобханлай турмайды, адам да къуру да патчахлай турмайды.
- Тёрде – темир таякълы, къаяда – чыпчыкъ аякълы.
- Ата Джуртун танымагъан, атасын да танымаз.
- Тойгъан джерден туугъан джер игиди.
- Этим кетсе да, сюегим къалыр.
- Чабакъгъа акъыл, табагъа тюшсе келеди.
- Керек ташны ауурлугъу джокъ.
- Тюзлюк тас болмайды.
- От этилмеген джерден тютюн чыкъмайды.
- Джылкъыдан – ат чыгъар, тукъумдан – джаш чыгъар.
- Термилгенинги табмазса, кюлгенинге тюберсе.
- Къайгъы тюбю – тенгиз.
- Кёбню кёрген – кёб билир.
- Акъыллы – эл иеси, тели – эл баласы.
- Гитче джилтин уллу элни джандырыр.
- Къартха ушагъан джаш – акъыллы, джашха ушагъан къарт – тели.
- Чакъырылмагъан къонакъ – орунсуз.
- Ким бла джюрюсенг, аны кёзю бла кёрюнюрсе.
- Магъанасыз сёз – тауушсуз сыбызгъы.
- Дуния мал дунияда къалады.
- Эки элинги тыйсанг, джети элде махталырса.
- Ариу джол аджал келтирмез.
- Эл бла кёргенинг эрелей.
- Ишин билген, аны сыйын чыгъарады.
- Татлы сёз – балдан татлы.
- Эли джокъну – кёлю джокъ.
- Ишлерге уял да, ашаргъа табма.
- Аман эсирсе, юйюн ояр.
- Узун джолну барсанг, бюгюн келирсе, къысха джолну барсанг, тамбла келирсе.
- Намысы джокъну – дуниясы джокъ.
- Ата Джуртуму башы болмасам да, босагъасында ташы болайым.
- Гугурук къычырмаса да, тангны атары къалмаз.
- Джарлы тюеге минсе да, ит къабар.
Профиль
|
|
|||