- Тойгъан антын унутур.
- Къонакъ кёб келюучю юйню, къазаны отдан тюшмез.
- Сабийни джумушха джибер да, ызындан бар.
- Ариу – кёзге, акъыл – джюрекге.
- Джарлы джети элни сёзюн этер.
- Орну джокъну – сыйы джокъ.
- Ашда уялгъан – мухар, ишде уялгъан – хомух.
- Арыгъан къош чамчы болур.
- Игини сыйлагъан адетди.
- Бет бетге къараса, бет да джерге къарар.
- Халкъгъа джарагъан, джарлы къалмаз.
- Ёпкелегенни ашы татлы болады.
- Махтаннган къыз, тойда джукълар.
- Ойнай билмеген, уруб къачар.
- Кийимни бичсенг, кенг бич, тар этген къыйын тюлдю.
- Aдам боллукъ, сыфатындан белгили.
- Ёксюзню къалачы уллу кёрюнюр.
- Ариу сёз – къылычдан джити.
- Ариу сёз джыланны орнундан чыгъарыр.
- Дуния аламаты сен эсенг да, игиме деб айтма.
- Окъумагъан сокъурду, сокъур ташха абыныр!
- Садакъачыны джаны – къапчыгъында.
- Бёрю да ач къалмасын, эчки да ашалмасын.
- Кюл тюбюндеги от кёрюнмейди.
- Тил джюрекге джол ишлейди.
- Къартны сыйын кёрмеген, къартлыгъында сыйлы болмаз.
- Сёз садакъдан кючлюдю.
- Харам къарнашдан, халал тенг ашхы.
- Кёкдеги болмаса, джердегин кёрмейди.
- Алтыннга тот къонмаз.
- Хар зат кесини орнуна иги.
- Байлыкъдан саулукъ ашхыды.
- Экиндини кеч къылсанг, чабыб джетер ашхам.
- Джахил болса анасы, не билликди баласы?
- Чомарт бергенин айтмаз.
- Кечеси – аяз, кюню – къыш, джарлы къаргъагъа бир аш тюш!
- Эринчекге кюн узун.
- Ёлмесенг да, къарт дамы болмазса?
- Бермеген къол, алмайды.
- Тойгъанлыкъ къойгъа джарашады.
- Узун джолну барсанг, бюгюн келирсе, къысха джолну барсанг, тамбла келирсе.
- Таукел къуру къалмаз.
- Ёзденликни кёбю ётюрюк.
- Джолда аягъынга сакъ бол, ушакъда тилинге сакъ бол.
- Нёгер болсанг, тенг бол, тенг болмасанг, кенг бол.
- Тёгюлген тюгел джыйылмайды.
- Рысхы джалгъанды: келген да этер, кетген да этер.
- Къарнынг къанлынга кийирир.
- Айырылмаз джууугъунга, унутмаз сёзню айтма.
- Тилчиден кери бол.
Профиль
|
|
|||