- Татлы сёз – балдан татлы.
- Тулпарлыкъ, билекден тюл – джюрекден.
- Баланы адам этген анады.
- Хар ишни да аллы къыйынды.
- Аш иеси бла татлыды.
- Кеси юйюмде мен да ханма.
- Байны къызы баймакъ болса да, юйде къалмаз!
- Билимден уллу байлыкъ джокъду.
- Баргъанынга кёре болур келгенинг.
- Къоркъакъны кёзю экили кёрюр.
- Адеб базарда сатылмаз.
- Къыз тиширыу кеси юйюнде да къонакъды.
- Байдан умут эте, джарлыдан ёгюз багъасы къорады.
- Аууздан келген, къолдан келсе, ким да патчах болур эди.
- Байлыкъ болгъан джерде, тынчлыкъ джокъду.
- Алим болгъандан эсе, адам болгъан къыйынды.
- Айранны сюйген, ийнек тутар.
- Билеги кючлю, бирни джыгъар, билими кючлю, мингни джыгъар.
- Ичимден чыкъды хата, къайры барайым сата?
- Эртде тургъан джылкъычыны эркек аты тай табар.
- Къарт бла баш аша, джаш бла аякъ аша.
- Аш кетер да бет къалыр.
- Ачылгъан эт джабылыр, кёрген кёз унутмаз.
- Этим кетсе да, сюегим къалыр.
- Ат да турмайды бир териде.
- Махтаннган къыз, тойда джукълар.
- Тил джюрекге джол ишлейди.
- Берекет берсин деген джерде, берекет болур.
- Бёрю да ач къалмасын, эчки да ашалмасын.
- Босагъагъа джууукъ орун болса, ашыгъыб тёрге озма.
- Ашда – бёрю, ишде – ёлю.
- Бастасын ашагъан, хантусун да ичер.
- Ашхы атаны – джашы ашхы, ашхы ананы – къызы ашхы.
- Ётюрюкню башын керти кесер.
- Ёлген аслан – сау чычхан.
- Эки элинги тыйсанг, джети элде махталырса.
- Эркиши – от, тиширыу – суу.
- Ёлюк кебинсиз къалмаз.
- Эл ауузу – элек, анга ийнаннган – халек.
- Азыгъы аз, алгъа къабар, аты аман, алгъа чабар.
- Тёзген – тёш ашар!
- Шекер бла туз – бир болмаз, ушамагъан – юй болмаз.
- Ауругъанны сау билмез, ач къарынны токъ билмез.
- Ётюрюк хапар аякъ тюбю бла джюрюйдю.
- Нарт сёз – тилни бети.
- Тойгъан джерден туугъан джер игиди.
- Тилчиден кери бол.
- Дуния малгъа сатылма, кесингден телиге къатылма.
- Чомарт къолда мал къалмаз.
- Чомарт бергенин айтмаз.
Профиль
|
|
|||