- Болджал ишни бёрю ашар.
- Ёпкелегенни ашы татлы болады.
- Адам къыйынлыгъын кёлтюрюр, зауукълугъун кёлтюрмез.
- Киштикге къанат битсе, чыпчыкъ къалмаз эди.
- Чакъырылмагъан къонакъ къачан кетерин сормаз.
- Чакъырылмагъан къонакъ тёрге атламаз.
- Таукел тауну аудурур.
- Кёпюр салгъан кеси ётер, уру къазгъан кеси кетер.
- Атынг аманнга чыкъгъандан эсе, джанынг тамагъынгдан чыкъсын.
- Тешигини къатында, чычхан да батыр болур.
- Бек ашыкъгъан меннге джетсин, дегенди аракъы.
- Чакъырылмай келген къонакъ сыйланмай кетер.
- Уясында не кёрсе, учханында аны этер.
- Ашын ашагъанынгы, башын да сыйла.
- Акъыл аздырмаз, билим тоздурмаз.
- Бети бедерден, намыс сакълама.
- Джолда аягъынга сакъ бол, ушакъда тилинге сакъ бол.
- Иши джокъну, сыйы джокъ.
- Адамны артындан къара сабан сюрме.
- Эки къатын алгъан – эки ташны ортасына башын салгъан.
- Ким бла джюрюсенг, аны кёзю бла кёрюнюрсе.
- Тили узунну, намысы – къысха.
- Сабий болмагъан джерде, мёлек болмаз.
- Акъыллы айтыр эди, акъылсыз къоймайды.
- Кёлю джокъну – джолу джокъ.
- Тилде сюек болмаса да, сюек сындырыр.
- «Ма», - дегенни билмесенг, «бер», - дегенни билмезсе.
- Алим болгъандан эсе, адам болгъан къыйынды.
- Намыс болмагъан джерде, насыб болмаз.
- Бек анасы джыламаз.
- Байлыкъ тауусулур, билим тауусулмаз.
- Ашатыргъа иш – ашхы, ишлетирге аш – ашхы.
- Эли джокъну – кёлю джокъ.
- Джиби бир къат джетмей эди да, эки къат тарта эди.
- Къая джолда джортма, ачыкъ сёзден къоркъма.
- Тойгъанлыкъ къойгъа джарашады.
- Байлыкъ болгъан джерде, тынчлыкъ джокъду.
- Айыбны суу бла джууалмазса.
- Ариу сёз джыланны орнундан чыгъарыр.
- Окъ къызбайны джокълайды.
- Аууздан келген, къолдан келсе, ким да патчах болур эди.
- Къызын тута билмеген, тул этер, джашын тута билмеген, къул этер.
- Ата Джуртун танымагъан, атасын да танымаз.
- Эки къатын алгъанны къулагъы тынгнгаймаз.
- Тилсиз миллет джокъ болур.
- Тели турса – той бузар.
- Чалманны аллы къалай башланса, арты да алай барады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тил – кесген бычакъ, сёз – атылгъан окъ.
- Ана – юйню кюн джарыгъы.
Профиль
|
|
|||