Эльбрусоид :: Форум

Эл бла кёргенинг эрелей.
Болджал ишни бёрю ашар.
Ханы къызы буюгъа-буюгъа киштик болду.
Халкъны юйю – туугъан джери.
Тилчиден кери бол.
Абынмазлыкъ аякъ джокъ, джангылмазлыкъ джаякъ джокъ.
Кечеси – аяз, кюню – къыш, джарлы къаргъагъа бир аш тюш!
Ётюрюк хапар аякъ тюбю бла джюрюйдю.
Айраннга суу къош, телиге джол бош.
Намыс сатылыб алынмайды.
Эки къатын алгъан – эки ташны ортасына башын салгъан.
Тойну къарнашы – харс, джырны къарнашы – эжиу.
Тойгъа алгъа да барма, тойда артха да къалма.
Онгсузну – джакъла, тенгликни – сакъла.
Тай асырагъан, атха минер.
Аууздан келген, къолдан келсе, ким да патчах болур эди.
Ач къалгъандан, кеч къалгъан къолай.
Бет бетге къараса, бет да джерге къарар.
Биреуню къыйынлыгъы бла кесинге джол ишлеме.
Чарсда алчыны эл кёреди.
Босагъагъа джууукъ орун болса, ашыгъыб тёрге озма.
Джарлыны эшигин махтагъан джабар.
Къарт айтханны этмеген, къартаймаз.
Ана – юйню кюн джарыгъы.
Къонагъы джокъну – шоху джокъ.
Джашынгы кесинг юретмесенг, джашау юретир.
Сабийликде юретмесенг, уллу болса – тюзелмез.
Тюзлюк шохлукъну бегитир.
Юй ишлеген балта эшикде къалыр.
Байлыкъ тауусулур, билим тауусулмаз.
Алтыда кюлмеген, алтмышда кюлмез.
Тилчи тилден къаныкъмаз.
Бастасын ашагъан, хантусун да ичер.
Мал ёлсе, сюек къалыр, адам ёлсе, иши къалыр.
Ариу – кёзге, акъыл – джюрекге.
Ана къолу ачытмаз.
Окъдан джара эртде-кеч болса да бителир, сёз джара, ёмюрге къалыр.
Аз сёлеш, кёб ишле.
Чабакъгъа акъыл, табагъа тюшсе келеди.
Тюзню ётмеги тюзде къалса да, тас болмаз.
Ариу сёз джыланны орнундан чыгъарыр.
Джарлы джети элни сёзюн этер.
Суугъа – таянма, джаугъа – ийнанма.
Танг атмайма десе да, кюн къоярыкъ тюйюлдю.
Ётюрюкден тюбю джокъ, кёлтюрюрге джиби джокъ.
Ашыкъгъанны этеги бутуна чырмалыр.
Къартха ушагъан джаш – акъыллы, джашха ушагъан къарт – тели.
Къатын байлыкъны сюер, эр саулукъну сюер.
Эллинг бла джау болсанг да, юйюнг бла джау болма.
Эринчекге кюн узун.

Логин:
Пароль:
	Запомнить меня на этом компьютере

Забыли свой пароль?
Регистрация