- Тилсиз миллет джокъ болур.
- Айтханы чапыракъдан ётмеген.
- Билими азны – ауузунда кирит.
- Минг тенг да азды, бир джау да кёбдю.
- Айран тёгюлсе, джугъусу къалыр.
- Окъуу – билимни ачхычы, окъуу – дунияны бачхычы.
- Сабийни джумушха джибер да, ызындан бар.
- Сангырау къулакъ эл бузар.
- Тёгюлген тюгел джыйылмайды.
- Юй ишлеген балта эшикде къалыр.
- Соргъан айыб тюлдю, билмеген айыбды.
- Кёз – сюйген джерде, къол – ауругъан джерде.
- Аш берме да, къаш бер.
- Сабийликде юретмесенг, уллу болса – тюзелмез.
- Къатын байлыкъны сюер, эр саулукъну сюер.
- Чомартха Тейри да борчлуду.
- Атынг аманнга чыкъгъандан эсе, джанынг тамагъынгдан чыкъсын.
- Билимден уллу байлыкъ джокъду.
- Ким бла джюрюсенг, аны кёзю бла кёрюнюрсе.
- Орундукъ тюбюнде атылсам да, орта джиликме, де да айлан.
- Къан бла кирген, джан бла чыгъар.
- Бети къызарыучу адамны, джюреги харам болмаз.
- Ана – юйню кюн джарыгъы.
- Мал кёб болса, джууукъ кёб болур.
- Акъыллы эркиши атын махтар, акъылсыз эркиши къатынын махтар.
- Айранын берсенг, челегин да къызгъанма.
- Керилген да, ургъан кибикди.
- Къарнынг бла ёч алма.
- Эртде тургъан джылкъычыны эркек аты тай табар.
- Ата джурт – алтын бешик.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бети – къучакълар, джюреги – бычакълар.
- Уллу суу бла уллу ауруудан башынгы сакъла.
- Къартха ушагъан джаш – акъыллы, джашха ушагъан къарт – тели.
- Джаш болсун, къыз болсун, акъылы, саны тюз болсун.
- Джигер – джаннга къыйынлыкъ.
- От этилмеген джерден тютюн чыкъмайды.
- Бюгюн дуния кибик, тамбла ахыратды.
- Ана къолу ачытмаз.
- Бозаны арты дауур болур.
- Адамгъа аман кюн соруб келмейди.
- Акъыл аздырмаз, билим тоздурмаз.
- Чакъырылмагъан къонакъ къачан кетерин сормаз.
- Окъугъан озар, окъумагъан тозар.
- Эл элде бирер малынг болгъандан эсе, бирер тенгинг болсун.
- Арбаз сайлама да, хоншу сайла.
- Аджашханны ызындагъы кёреди, джангылгъанны джанындагъы биледи.
- Игиге айтсанг – билир, аманнга айтсанг – кюлюр.
- Къатын къылыкъсыз, эр тынчлыкъсыз.
- Хар зат кесини орнуна иги.
Профиль
|
|
|
|||