Эльбрусоид :: Форум

Эртде тургъан бла эртде юйленнген сокъуранмаз.
Тёрде – темир таякълы, къаяда – чыпчыкъ аякълы.
Къатын къылыкъсыз, эр тынчлыкъсыз.
Ойнай билмеген, уруб къачар.
Эринчекни аурууу – кёб.
Джогъун бар этген, барын бал этген.
Терслик кетер, тюзлюк джетер.
Ёгюзню мюйюзлери ауурлукъ этмейдиле.
Аш берме да, къаш бер.
Агъач – джерни чырайы, кийим – эрни чырайы.
Гугук кесини атын айтыб къычыргъанча, мен, мен деб нек тураса?
Бал чибинни ургъаны – ачы, балы – татлы.
Уллу къашыкъ эрин джыртар.
Шапа кёб болса, аш татымсыз болур.
Намыс сатылыб алынмайды.
Узун джолну барсанг, бюгюн келирсе, къысха джолну барсанг, тамбла келирсе.
Чыбыкълыкъда бюгюлмеген, къазыкълыкъда бюгюлмей эди.
Баш болса, бёрк табылыр.
Кёзню ачылгъаны – иги, ауузну джабылгъаны – иги.
Къарны аманнга къазан такъдырма, къолу аманнга от джакъдырма.
Джарлы джети элни сёзюн этер.
Ушамагъан – джукъмаз.
Атлыны ашхысы, ат тизгининден билинир
Ишлерге уял да, ашаргъа табма.
Чомартха Тейри да борчлуду.
Джюз элде джюз ёгюзюм болгъандан эсе, джюз джууугъум болсун.
Аман къатын сабий табса, бий болур…
Тилчи бир сагъатха айлыкъ хата этер.
Сыфатында болмагъаны, суратында болмаз.
Кёкдеги болмаса, джердегин кёрмейди.
Бозанг болмагъан джерге, къалагъынгы сукъма.
Эр сокъур болсун, къатын тилсиз болсун.
Къонакъ кёб келюучю юйню, къазаны отдан тюшмез.
Чомарт къонакъ юй иесин сыйлар.
Бастасын ашагъан, хантусун да ичер.
Таугъа чыгъаллыкъ эсенг, тюзде къалма.
Тюзлюк тас болмайды.
Бичгенде ашыкъма, тикгенде ашыкъ.
Ашлыкъны арба юйге келтирир, чана базаргъа элтир.
Кюн – узун, ёмюр – къысха.
Джарлыны эшигин махтагъан джабар.
Кийимни бир кюнню аясанг, минг кюннге джарар.
Тойгъан антын унутур.
Таякъ этден ётер, тил сюекден ётер.
Байлыкъ болгъан джерде, тынчлыкъ джокъду.
Мухардан ач ычхынмаз.
Магъанасыз сёз – тауушсуз сыбызгъы.
Джолунга кёре – джюрюшюнг, джагъанга кёре – юлюшюнг.
Джаным-тиним – окъуу, билим.
Сууда джау джокъ, кёб сёзде магъана джокъ.

Логин:
Пароль:
	Запомнить меня на этом компьютере

Забыли свой пароль?
Регистрация