- Орундукъ тюбюнде атылсам да, орта джиликме, де да айлан.
- Таш бла ургъанны, аш бла ур.
- Арыгъан къош чамчы болур.
- Джарлы тюеге минсе да, ит къабар.
- Бал – татлы, балдан да бала – татлы.
- Тёзген – тёш ашар!
- Таукел къуру къалмаз.
- Сибиртки да сыйлы болду, кюрек да кюнлю болду.
- Ёгюзню мюйюзюнден тутадыла, адамны сёзюнден тутадыла.
- Шайтан алдады, тюзлюк къаргъады.
- Къатыны харакетли болса, эри къымсыз болур.
- Уллу атлама – абынырса, уллу къабма – къарылырса.
- Гугурук къычырмаса да, тангны атары къалмаз.
- Сакъ юйюне сау барыр.
- Билмегенинги, билгеннге сор.
- Ачыу алгъа келсе, акъыл артха къалады.
- Къартха ушагъан джаш – акъыллы, джашха ушагъан къарт – тели.
- Адамны бетине къарама, адетине къара.
- Тиширыусуз юй – отсуз от джагъа.
- Аллахха ийнаннган кишини, Аллах онгдурур ишин.
- Аууздан келген, къолдан келсе, ким да патчах болур эди.
- Аллахдан тилесенг, кёб тиле.
- Таукелге нюр джауар.
- Эте билген, этген этеди, эте билмеген, юретген этеди!
- Керек ташны ауурлугъу джокъ.
- Атлыны кёрсе, джаяуну буту талыр.
- Айныгъанлы алты кюн, тогъайгъанлы тогъуз кюн.
- Тамбла алтындан бюгюн багъыр ашхы.
- Адамны сабийин сюйген джюреги, бычакъча, джитиди.
- Азыкъ аз болса, эртде орун сал.
- Джаханимни кёрмей, джандетге кёл салмазса.
- Билимден уллу байлыкъ джокъду.
- Джюрекден джюрекге джол барды.
- Адам къаллай бир ишленмесе, аллай бир кесин уллу кёреди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Керти сёзге тёре джокъ.
- Кёзню ачылгъаны – иги, ауузну джабылгъаны – иги.
- Эри аманны, къатыны – аман.
- Халкъгъа джарагъан, джарлы къалмаз.
- Ашыкъгъанны этеги бутуна чырмалыр.
- Киштикге къанат битсе, чыпчыкъ къалмаз эди.
- Аурууну келиую тынч, кетиую – къыйын.
- Ата – баланы уясы.
- Кюл тюбюндеги от кёрюнмейди.
- Ауурну тюбю бла, дженгилни башы бла джюрюген.
- Булут кёкге джарашыу, уят бетге джарашыу.
- Къалгъан ишге къар джауар.
- Кёзден кетген, кёлден да кетеди.
- Эринчекни аурууу – кёб.
- Илму – джашауну джолу.
Профиль
|
|
|||