- Башы ишлегенни, ауузу да ишлер.
- Ишге юренсин къоллары, халкъ бла болсун джоллары.
- Намысы джокъну – дуниясы джокъ.
- Юре билмеген ит, къонакъ келтирир.
- Адебни адебсизден юрен.
- Этим кетсе да, сюегим къалыр.
- Башда акъыл болмаса, эки аякъгъа кюч джетер.
- Кюл тюбюндеги от кёрюнмейди.
- Игиге айтсанг – билир, аманнга айтсанг – кюлюр.
- Эл бла кёргенинг эрелей.
- Ёлмесенг да, къарт дамы болмазса?
- Башланнган иш битер, къымылдагъан тиш тюшер.
- Чакъырылмагъан къонакъ – орунсуз.
- Нафысынгы айтханын этме, намысынгы айтханын эт.
- Ёксюзню тилеги къабыл болур.
- Ата – баланы уясы.
- Гугук кесини атын айтыб къычыргъанча, мен, мен деб нек тураса?
- Кийиминг бла танылма, адамлыкъ бла таныл.
- Иги джашны ышаны – аз сёлешиб, кёб тынгылар.
- Юреннген ауруу къалмаз.
- Къызбайны юйюне дери сюрсенг, батыр болур.
- Адам сёзюнден белгили.
- Кёбге таш атма.
- Ёксюзню къалачы уллу кёрюнюр.
- Эркишини аманы тиширыуну джылатыр.
- Болджал ишни бёрю ашар.
- Джарашыу сюйген – джалынчакъ.
- Тили узунну, намысы – къысха.
- Ат да турмайды бир териде.
- Джарлы джети элни сёзюн этер.
- Босагъагъа джууукъ орун болса, ашыгъыб тёрге озма.
- Сормай – алма, чакъырылмай – барма.
- Бермеген къол, алмайды.
- Бир абыннган – минг сюрюнюр.
- Ёзденликни кёбю ётюрюк.
- Башсыз урчукъ тюзюне айланмаз.
- Танг атмайма десе да, кюн къоярыкъ тюйюлдю.
- Ариу – кёзге, акъыл – джюрекге.
- Билмезни кёзю кёрмез, этмезни къулагъы эшитмез.
- Айтханы чапыракъдан ётмеген.
- Чомартха Тейри да борчлуду.
- Атадан ёксюз – бир ёксюз, анадан ёксюз – эки ёксюз.
- Ата Джуртуму башы болмасам да, босагъасында ташы болайым.
- Аман хансны – урлугъу кёб.
- Ауузу аманнга «иги», деме.
- Ёзденликни джайгъан – джокълукъ.
- Эркишиге тары кебек танг кёрюнюр.
- Ауурну тюбю бла, дженгилни башы бла джюрюген.
- Элиб деген, элге болушур.
- Джолда аягъынга сакъ бол, ушакъда тилинге сакъ бол.
Профиль
|
|
|
|||