- Узун джолну барсанг, бюгюн келирсе, къысха джолну барсанг, тамбла келирсе.
- Адам боллукъ, атламындан белгили болур.
- Тик ёргени, тик энгишгеси да болады.
- Адамны бетине къарама, адетине къара.
- «Ёгюз, джаргъа джууукъ барма, меннге джюк боллукъса», - дегенди эшек.
- Кюлме джашха – келир башха.
- Айырылмаз джууугъунга, унутмаз сёзню айтма.
- Намысы болмагъанны, сыйы болмаз.
- Малны кют, джерни тюрт.
- Ашхы сёз таш тешер.
- Этни да ашады, бетни да ашады.
- Аманнга алтын чыдамаз.
- Айыбны суу бла джууалмазса.
- Акъыл къартда, джашда тюйюлдю – башдады.
- Хар ишни да аллы къыйынды.
- Чыбыкълыкъда бюгюлмеген, къазыкълыкъда бюгюлмей эди.
- Экеулен сёлеше тура эселе, орталарына барыб кирме.
- Байлыкъ келсе, акъыл кетер.
- Тешигини къатында, чычхан да батыр болур.
- Бюгюн дуния кибик, тамбла ахыратды.
- Кёлю джокъну – джолу джокъ.
- Айныгъанлы алты кюн, тогъайгъанлы тогъуз кюн.
- Ашлыкъны арба юйге келтирир, чана базаргъа элтир.
- Окъуу – билимни ачхычы, окъуу – дунияны бачхычы.
- Ана – юйню кюн джарыгъы.
- Кёз – сюйген джерде, къол – ауругъан джерде.
- Кёзюнде тереги болгъан, чёбю болгъаннга кюле эди.
- Джумушакъ сёз къаты таякъны сындырыр.
- Эл элде бирер малынг болгъандан эсе, бирер тенгинг болсун.
- Айранын берсенг, челегин да къызгъанма.
- Акъыл бла адеб эгизледиле.
- Билмезни кёзю кёрмез, этмезни къулагъы эшитмез.
- Чомарт бергенин айтмаз.
- Эки элинги тыйсанг, джети элде махталырса.
- Акъыллы айтыр эди, акъылсыз къоймайды.
- Дуния малгъа сатылма, кесингден телиге къатылма.
- Ауузу бла къуш тута айланады.
- Игиге айтсанг – билир, аманнга айтсанг – кюлюр.
- Тойгъа барсанг, тоюб бар, эски тонунгу къоюб бар.
- Бети къызарыучу адамны, джюреги харам болмаз.
- Кесине оноу эте билмеген, халкъына да эте билмез.
- Акъыл аздырмаз, билим тоздурмаз.
- Ёгюзню мюйюзлери ауурлукъ этмейдиле.
- Атлыны ашхысы, ат тизгининден билинир
- Ана къойну – балагъа джандет.
- Элде адам къалмаса, ит тахтагъа минер.
- Юйлю уругъа ит чабмаз.
- Ашаса, ашамаса да, бёрюню ауузу – къан.
- Иги джашны ышаны – аз сёлешиб, кёб тынгылар.
- Къайгъы тюбю – тенгиз.
Профиль
|
|
|
|||