- Къалгъан ишге къар джауар.
- Эркиши – от, тиширыу – суу.
- Аз сёлеш, кёб ишле.
- Билимден уллу байлыкъ джокъду.
- Рысхы – сют юсюнде кёмюк кибикди.
- Гырджын – тепсини тамадасы.
- Бичгенде ашыкъма, тикгенде ашыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мухардан ач ычхынмаз.
- Сёз сёзню айтдырыр.
- Зарда марда джокъ.
- Миллетни бойну – базыкъ, аны бла кюрешген – джазыкъ.
- Къобан да къуру да къобханлай турмайды, адам да къуру да патчахлай турмайды.
- Джылкъыдан – ат чыгъар, тукъумдан – джаш чыгъар.
- Тай асырагъан, атха минер.
- Сормай – алма, чакъырылмай – барма.
- Уясында не кёрсе, учханында аны этер.
- Къатын къылыкъсыз, эр тынчлыкъсыз.
- Минг тенг да азды, бир джау да кёбдю.
- Кимни – тили, тиши онглу, кимни – къолу, иши онглу.
- Мадар болса, къадар болур.
- Ашлыкъ – бюртюкден, джюн – тюкден.
- Къолу уллу – асыу, аягъы уллу – джарсыу.
- Тил бла келеди джыр да.
- Баш болса, бёрк табылыр.
- Къазанда болса, чолпугъа чыгъар.
- Ашхы тенг джолгъа салыр, аман тенг джолдан тайдырыр.
- Кюлме джашха – келир башха.
- Булут кёкге джарашыу, уят бетге джарашыу.
- Кёб къычыргъандан – къоркъма, тынч олтургъандан – къоркъ.
- Биреу ашаб къутулур, биреу джалаб тутулур.
- Татлы сёз – балдан татлы.
- Садакъачыны джаны – къапчыгъында.
- Биреуню тёрюнден, кесинги эшик артынг игиди.
- Чыкълы кюнде чыкъмагъан, чыкъса къуру кирмеген.
- Ана къолу ачытмаз.
- Онгсузну – джакъла, тенгликни – сакъла.
- Намыс болмагъан джерде, насыб болмаз.
- Тенги кёбню джау алмаз, акъылы кёбню дау алмаз.
- Сибиртки да сыйлы болду, кюрек да кюнлю болду.
- Джарлыны эшигин махтагъан джабар.
- Хоншуну тауугъу къаз кёрюнюр, келини къыз кёрюнюр.
- Суу кетер, таш къалыр.
- Аман адам этегингден тутса, кес да къач.
- Кийимни бир кюнню аясанг, минг кюннге джарар.
- Эшекни не къадар тюйсенг да, ат болмаз.
- Чомарт къонакъ юй иесин сыйлар.
- Хар адамгъа кеси миннген тау кибик.
- Шапа кёб болса, аш татымсыз болур.
- Бети бедерден, намыс сакълама.
Профиль
|
|
|||