- Джангызны оту джарыкъ джанмаз!
- Эл ауузу – элек, анга ийнаннган – халек.
- Тюзлюк тас болмайды.
- Иги джашны ышаны – аз сёлешиб, кёб тынгылар.
- Атынг аманнга чыкъгъандан эсе, джанынг тамагъынгдан чыкъсын.
- Босагъагъа джууукъ орун болса, ашыгъыб тёрге озма.
- Баргъанынга кёре болур келгенинг.
- Тилсиз миллет джокъ болур.
- Тешигини къатында, чычхан да батыр болур.
- Эте билген, этген этеди, эте билмеген, юретген этеди!
- Къонакъ болсанг, ийнакъ бол.
- Уллу къашыкъ эрин джыртар.
- Ашыкъгъан cуу, тенгизге джетмез.
- Шапа кёб болса, аш татымсыз болур.
- Къобан да къуру да къобханлай турмайды, адам да къуру да патчахлай турмайды.
- Кийимни бир кюнню аясанг, минг кюннге джарар.
- Ёлген эшек бёрюден къоркъмайды.
- Билимден уллу байлыкъ джокъду.
- Ёпкелегенни ашы татлы болады.
- Кюл тюбюндеги от кёрюнмейди.
- Кюлме джашха – келир башха.
- Сютню башын джалагъан къутулур, тюбюн ичген тутулур.
- Ауругъан – джашаудан умутчу.
- Нарт сёз къарт болмаз.
- Джетген къыз джерли эшекни танымаз.
- Тенгинг джокъ эсе – изле, бар эсе – сакъла!
- Уллу сёлешме да, уллу къаб.
- Къарыусузгъа кюлме, онгсузгъа тийме.
- Малны кют, джерни тюрт.
- Эки элинги тыйсанг, джети элде махталырса.
- Ашда – бёрю, ишде – ёлю.
- Къарнынг ауруса, ауузунгу тый
- Ётюрюкчюню шагъаты – къатында.
- Татлы сёз – балдан татлы.
- Байны оноуу, джарлыгъа джарамаз.
- Чомарт джарлы болмаз.
- Ёгюзню мюйюзюнден тутадыла, адамны сёзюнден тутадыла.
- Насыб бютеу халкъны юлюшюдю.
- Эли джокъну – кёлю джокъ.
- Терек ауса, отунчу – кёб.
- Къарт болгъан джерде, берекет болур, сабий болгъан джерде, оюн болур.
- Олтуруб кёрюнмей эди да, ёрге туруб кёрюне эди.
- Сакъ юйюне сау барыр.
- Аман киши кеси юйюнде – къонакъ.
- Кёб джат да, бек чаб.
- Телиге от эт десенг, юйюнге от салыр.
- Айранын берсенг, челегин да къызгъанма.
- Тилде сюек болмаса да, сюек сындырыр.
- Кюн – узун, ёмюр – къысха.
- Сормай – алма, чакъырылмай – барма.
Профиль
|
|
|||