- Тамбла алтындан бюгюн багъыр ашхы.
- Адам туугъан джеринде, ит тойгъан джеринде.
- Къазанчы аман болса, къазаны къайнамаз.
- Ёксюзню къалачы уллу кёрюнюр.
- Ариу – кёзге, акъыл – джюрекге.
- Берекет берсин деген джерде, берекет болур.
- Тешик этген тынчды, аны джамагъан къыйынды.
- Къууут – джелге, берне – бошха.
- Ёпкелегенни ашы татлы болады.
- Къонакъ хазыр болгъанлыкъгъа, къонакъбай хазыр тюлдю.
- Ачылгъан эт джабылыр, кёрген кёз унутмаз.
- Битмегеннге сакъал – танг.
- Бет бетге къараса, бет да джерге къарар.
- Ана къойну – балагъа джандет.
- Ашына кёре табагъы, балына кёре къалагъы.
- Алгъанда – джууукъ, бергенде – джау.
- Атынг аманнга чыкъгъандан эсе, джанынг тамагъынгдан чыкъсын.
- Окъ къызбайны джокълайды.
- Тешигини къатында, чычхан да батыр болур.
- Ашхы сёз таш тешер.
- Нарт сёз – тилни бети.
- Чакъырылмагъан къонакъ – орунсуз.
- Чыбыкълыкъда бюгюлмеген, къазыкълыкъда бюгюлмей эди.
- Кёз – сюйген джерде, къол – ауругъан джерде.
- Хата – гитчеден.
- Къыйынлы джети элге оноу этер.
- Мен да «сен», дейме, сен да «кесим», дейсе.
- Эри аманны, къатыны – аман.
- Терслик кетер, тюзлюк джетер.
- Адеб джокъда, намыс джокъ.
- Чарсда алчыны эл кёреди.
- Таула не мийик болсала да, аууш табылыр.
- Адебни адебсизден юрен.
- Сабийликде юретмесенг, уллу болса – тюзелмез.
- Аджашханны ызындагъы кёреди, джангылгъанны джанындагъы биледи.
- Билим насыб берир, билим джолну керир.
- Джыланны къуйругъундан басарынг келсе, аны башы болгъанын унутма.
- Арбаз къынгырды да, ийнек сауалмайма.
- Таугъа чыгъаллыкъ эсенг, тюзде къалма.
- Кёлсюзден сёзсюз тууар.
- Сёз садакъдан кючлюдю.
- Ачыкъ джюрекге джол – ачыкъ.
- Тюзлюк шохлукъну бегитир.
- Ёлген аслан – сау чычхан.
- Акъыл сабырлыкъ берир.
- Къызны минг тилер, бир алыр.
- Орундукъ тюбюнде атылсам да, орта джиликме, де да айлан.
- Тёзген – тёш ашар!
- Эринчекни аурууу – кёб.
- Сабыр джетер муратха, сабырсыз къалыр уятха.
Профиль
|
|
|||