- Битмегеннге сакъал – танг.
- Иги – алгъыш этер, аман – къаргъыш этер.
- Эрни эр этерик да, къара джер этерик да, тиширыуду.
- Эринчекге кюн узун.
- Аш иеси бла татлыды.
- Кёлсюзден сёзсюз тууар.
- Хазыр ашха – терен къашыкъ.
- Ишлерге уял да, ашаргъа табма.
- Джюрекге ариу – кёзге да ариу.
- Ётюрюкню башын керти кесер.
- Джарашыу сюйген – джалынчакъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Акъыл бла адеб эгизледиле.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аджал соруб келмез, келсе, къайтыб кетмез.
- Джарлы джети элни сёзюн этер.
- Кёзюнде тереги болгъан, чёбю болгъаннга кюле эди.
- Айранын берсенг, челегин да къызгъанма.
- Аман къатын сабий табса, бий болур…
- Бёрю да ач къалмасын, эчки да ашалмасын.
- Эки къатын алгъан – эки ташны ортасына башын салгъан.
- Къатын байлыкъны сюер, эр саулукъну сюер.
- Ач къалгъандан, кеч къалгъан къолай.
- Чомартха хар кюн да байрамды.
- Адам сёзюнден белгили.
- Ач да бол, токъ да бол – намысынга бек бол.
- Ауругъаннга – кийик саулукъ, джетген къызгъа – чилле джаулукъ.
- Къартха ушагъан джаш – акъыллы, джашха ушагъан къарт – тели.
- Ёлген эшек бёрюден къоркъмайды.
- Джиби бир къат джетмей эди да, эки къат тарта эди.
- Билмезни кёзю кёрмез, этмезни къулагъы эшитмез.
- Окъуу – билимни ачхычы, окъуу – дунияны бачхычы.
- Бети бедерден, намыс сакълама.
- Ачыкъ джюрекге джол – ачыкъ.
- Адамны сабийин сюйген джюреги, бычакъча, джитиди.
- Иши джокъну, сыйы джокъ.
- Азыкъ аз болса, эртде орун сал.
- Ашха уста, юйюнде болсун
- Ашхы адам – халкъ байлыгъы, ашхы джер – джашау байлыгъы.
- Эртде тургъан бла эртде юйленнген сокъуранмаз.
- Телини эшигин, махтау джабар.
- Къая джолда джортма, ачыкъ сёзден къоркъма.
- Рысхысына кёре, джаш ёсер, къышлыгъына кёре, мал ёсер.
- Къызны минг тилер, бир алыр.
- Чарсда алчыны эл кёреди.
- Гыдай эчки суугъа къараб, мюйюзле кёрмесе, джашма алкъын, дегенди.
- Таукел къуру къалмаз.
- Джан саулукъ бермей, сан саулукъ бермезсе.
- Ариу сёз – къылычдан джити.
Профиль
|
|
|||