- Къартны бурнун сюрт да, оноугъа тут.
- Ашлыкъ – бюртюкден, джюн – тюкден.
- Башы ишлегенни, ауузу да ишлер.
- Ана къойну – балагъа джандет.
- Бек ашыкъгъан меннге джетсин, дегенди аракъы.
- Тил бла келеди джыр да.
- Тюкюрюк баш джармаз, налат кёз чыгъармаз!
- Ата – баланы уясы.
- Ишни ахырын ойламай, аллын башлама.
- Кёз – сюйген джерде, къол – ауругъан джерде.
- Адамны аты башхача, акъылы да башхады.
- Тилчиден кери бол.
- Къолунгдан къуймакъ ашатсанг да, атаны борчундан къутулмазса.
- Сабий кёргенин унутмаз.
- Аманнга да, игиге да оноусуз къатышма.
- Къатыны харакетли болса, эри къымсыз болур.
- Къызгъанчдан ычхыныр, мухардан ычхынмаз.
- Адеб этмеген, адеб кёрмез.
- Агъач – джерни чырайы, кийим – эрни чырайы.
- Сёз къанатсыз учар.
- Кесинге джетмегенни, кёб сёлешме.
- Халкъны джырын джырласанг, халкъ санга эжиу этер.
- Эли джокъну – кёлю джокъ.
- Тенгни тенглиги джашай барсанг билинир.
- Джигер – джаннга къыйынлыкъ.
- Ачылгъан эт джабылыр, кёрген кёз унутмаз.
- Байны къызы баймакъ болса да, юйде къалмаз!
- Аман адам этегингден тутса, кес да къач.
- Ауругъанны сау билмез, ач къарынны токъ билмез.
- Аз сёлешген, къайгъысыз турур.
- Биреу ашаб къутулур, биреу джалаб тутулур.
- Иги адам абынса да, джангылмаз.
- Къарт болгъан джерде, берекет болур, сабий болгъан джерде, оюн болур.
- Келгинчи, къонакъ уялыр, келгенден сора, къонакъбай уялыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Бал ашаргъа сюе эсенг, чибин ургъаннга тёз.
- Чыбыкълыкъда бюгюлмеген, къазыкълыкъда бюгюлмей эди.
- Ёлюр джаннга, ёкюл джокъ.
- Биреуню эскиси биреуге джангы болмайды.
- Бичгенде ашыкъма, тикгенде ашыкъ.
- Атадан ёксюз – бир ёксюз, анадан ёксюз – эки ёксюз.
- Уллу сёзде уят джокъ.
- Уллу айтханны этмеген – уллаймаз.
- Ашыкъгъанны этеги бутуна чырмалыр.
- Джюрекден джюрекге джол барды.
- Терслик кетер, тюзлюк джетер.
- Хар зат кесини орнуна иги.
- Ач – эснер, ат – кишнер.
- Окъугъанны бети джарыкъ.
- Тойгъа алгъа да барма, тойда артха да къалма.
Профиль
|
|
|||