- Чыкълы кюнде чыкъмагъан, чыкъса къуру кирмеген.
- Таукел адам тау тешер.
- Бастасын ашагъан, хантусун да ичер.
- Байлыкъдан саулукъ ашхыды.
- Къозулугъунда тоймагъан, къойлугъунда тоймаз.
- Ата Джуртун танымагъан, атасын да танымаз.
- Тойгъан джерге джети къайт.
- Къонакъны къачан кетерин сорма, къачан келлигин сор.
- Башланнган иш битер, къымылдагъан тиш тюшер.
- Тилчиден кери бол.
- Сёз – кюмюш, джыр – алтын.
- Джеринден айырылгъан – джети джылар, джуртундан айырылгъан – ёлгюнчю джылар.
- «Ёгюз, джаргъа джууукъ барма, меннге джюк боллукъса», - дегенди эшек.
- Сангырау къулакъ эл бузар.
- Сёз къанатсыз учар.
- Джарлы эскисин джамаса, къууаныр.
- Айныгъанлы алты кюн, тогъайгъанлы тогъуз кюн.
- Хар адамгъа кеси миннген тау кибик.
- Аурууну келиую тынч, кетиую – къыйын.
- Джаханимни кёрмей, джандетге кёл салмазса.
- Эки къатын алгъан – эки ташны ортасына башын салгъан.
- Тамчы таш тешер.
- Джерни букъусу кёкге къонмаз.
- Эшекни не къадар тюйсенг да, ат болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Алтыннга тот къонмаз.
- Байлыкъ келсе, акъыл кетер.
- Кёл – къызбай, къол – батыр.
- Ишин билген, аны сыйын чыгъарады.
- Ач бёрюге мекям джокъ.
- Мал ёлсе, сюек къалыр, адам ёлсе, иши къалыр.
- Тау башында, тау болмаз, джангыз терек, бау болмаз.
- Окъуусуз билим – джокъ, билимсиз кюнюнг – джокъ.
- Къазанда болса, чолпугъа чыгъар.
- Аш иеси бла татлыды.
- Сёз садакъдан кючлюдю.
- Биреуге аманлыкъны тилеме да, кесинге ашхылыкъны тиле.
- Тойгъан антын унутур.
- Эл ауузу – элек, анга ийнаннган – халек.
- Къазанчы аман болса, къазаны къайнамаз.
- Аман киши кеси юйюнде – къонакъ.
- Ашатыргъа иш – ашхы, ишлетирге аш – ашхы.
- Иги адам абынса да, джангылмаз.
- Ата – билек, ана – джюрек!
- Кечеси – аяз, кюню – къыш, джарлы къаргъагъа бир аш тюш!
- Джашлыкъ этмеген, башлыкъ этмез.
- Сибиртки да сыйлы болду, кюрек да кюнлю болду.
- Айраннга суу къош, телиге джол бош.
- Игини сыйлагъан адетди.
- Айран тёгюлсе, джугъусу къалыр.
Профиль
|
|
|||