- Бермеген къол, алмайды.
- Айырылмаз джууугъунга, унутмаз сёзню айтма.
- Рысхы джалгъанды: келген да этер, кетген да этер.
- Чомартха хар кюн да байрамды.
- Кийимни бичсенг, кенг бич, тар этген къыйын тюлдю.
- Аууз сакълагъан – джан сакълар.
- Чомарт къонакъ юй иесин сыйлар.
- Тил бла келеди джыр да.
- Билим – акъылны чырагъы.
- Танг атмайма десе да, кюн къоярыкъ тюйюлдю.
- Байдан умут эте, джарлыдан ёгюз багъасы къорады.
- Ашлыкъны арба юйге келтирир, чана базаргъа элтир.
- Кесине оноу эте билмеген, халкъына да эте билмез.
- Тёрдеги кюлсе, эшикдеги ышарыр.
- Сютню башын джалагъан къутулур, тюбюн ичген тутулур.
- Башсыз урчукъ тюзюне айланмаз.
- Къууут – джелге, берне – бошха.
- Игини сыйлагъан адетди.
- Тамырсыз терекге таянма – джыгъылырса.
- Джюрек кёзден алгъа кёрюр.
- Тин – байлыгъынг, терен саулугъунг.
- Халкъны юйю – туугъан джери.
- Ишге юренсин къоллары, халкъ бла болсун джоллары.
- Сормай – алма, чакъырылмай – барма.
- «Ма», - дегенни билмесенг, «бер», - дегенни билмезсе.
- Ачылгъан эт джабылыр, кёрген кёз унутмаз.
- Иши джокъну, сыйы джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыл къартда, джашда тюйюлдю – башдады.
- Ашыкъгъанны этеги бутуна чырмалыр.
- Джерни букъусу кёкге къонмаз.
- Эм ашхы къайын ана мамукъ бла башынгы тешер.
- Эки элинги тыйсанг, джети элде махталырса.
- Адамны бетине къарама, адетине къара.
- Ойнай билмеген, уруб къачар.
- Суу кетер, таш къалыр.
- Тойгъан джерден туугъан джер игиди.
- Къолу уллу – асыу, аягъы уллу – джарсыу.
- Къарнынг тойгъунчу аша да, белинг талгъынчы ишле.
- Джарашыу сюйген – джалынчакъ.
- Кёзню ачылгъаны – иги, ауузну джабылгъаны – иги.
- Юй ишлеген балта эшикде къалыр.
- Билмезни кёзю кёрмез, этмезни къулагъы эшитмез.
- Чёбню кёлтюрсенг, тюбюнден сёз чыгъар.
- Аш хазыр болса, иш харам болур.
- Суу да къайтады чыкъгъан джерине.
- Шекер бла туз – бир болмаз, ушамагъан – юй болмаз.
- Кюлме джашха – келир башха.
- Хазыр ашха – терен къашыкъ.
- Окъдан джара эртде-кеч болса да бителир, сёз джара, ёмюрге къалыр.
Профиль
|
|
|||