- Кёб джашагъан – кёб билир.
- Зар адамны насыбы болмаз.
- Аш берме да, къаш бер.
- Тойгъандан сора, ашны сёкме.
- Къралынгы – душмандан, башынгы от бла суудан сакъла.
- Ана кёлю – балада, бала кёлю – талада.
- Эркиши – от, тиширыу – суу.
- Байдан умут эте, джарлыдан ёгюз багъасы къорады.
- Уясында не кёрсе, учханында аны этер.
- Мен да «сен», дейме, сен да «кесим», дейсе.
- Бал – татлы, балдан да бала – татлы.
- Суу да къайтады чыкъгъан джерине.
- Ишге юренсин къоллары, халкъ бла болсун джоллары.
- Иги адам абынса да, джангылмаз.
- Бозанг болмагъан джерге, къалагъынгы сукъма.
- Джюрекден джюрекге джол барды.
- Ач, тоймам, дейди, тойгъан, ач болмам, дейди.
- Таукелге нюр джауар.
- Рысхы – сют юсюнде кёмюк кибикди.
- Къонакъ аз олтурур, кёб сынар.
- Тюзлюк тас болмайды.
- Махтаннган къыз, тойда джукълар.
- Байлыкъ болгъан джерде, тынчлыкъ джокъду.
- Босагъагъа джууукъ орун болса, ашыгъыб тёрге озма.
- Айраннга суу къош, телиге джол бош.
- Чалманны аллы къалай башланса, арты да алай барады.
- Тау башында, тау болмаз, джангыз терек, бау болмаз.
- Тешигини къатында, чычхан да батыр болур.
- Адамны джюреги нени кёрюрге сюйсе, кёзю да аны кёрюрге ёч болады.
- Адам туугъан джеринде, ит тойгъан джеринде.
- Иги сеники эсе да, сюйген кесимикин этеме.
- Тилсиз миллет джокъ болур.
- Малны кют, джерни тюрт.
- Хунаны тюбюн къазсанг, юсюнге ауар.
- Нёгерсизни джолу узун.
- Ханы къызы буюгъа-буюгъа киштик болду.
- Аман киши кеси юйюнде – къонакъ.
- Ашыкъгъан cуу, тенгизге джетмез.
- Тил – миллетни джаны.
- Алгъанда – джууукъ, бергенде – джау.
- Тамырсыз терекге таянма – джыгъылырса.
- Таш ата билмеген, башына урур.
- Кесине оноу эте билмеген, халкъына да эте билмез.
- Намысы болмагъанны, сыйы болмаз.
- Хата – гитчеден.
- Бал чибинни ургъаны – ачы, балы – татлы.
- Эки ойлашыб, бир сёлешген.
- Айтхан сёзюне табылгъан.
- Тил джюрекге джол ишлейди.
- Къарнынг бла ёч алма.
Профиль
|
|
|
|||