- Ишлегенде эринме, ишде чолакъ кёрюнме.
- Алтыннга тот къонмаз.
- Ишни ахырын ойламай, аллын башлама.
- Сютню башын джалагъан къутулур, тюбюн ичген тутулур.
- Билим насыб берир, билим джолну керир.
- Кийимни бир кюнню аясанг, минг кюннге джарар.
- «Ёгюз, джаргъа джууукъ барма, меннге джюк боллукъса», - дегенди эшек.
- Мени джылытмагъан кюн, меннге тиймесин!
- Бети – къучакълар, джюреги – бычакълар.
- Эркиши – от, тиширыу – суу.
- Къыйынлы джети элни къайгъысын этер.
- Джерни букъусу кёкге къонмаз.
- Къайтырыкъ эшигинги, къаты уруб чыкъма.
- Башы джабылгъан челекге, кир тюшмез.
- Акъылсызны джууукъгъа алма, акъыллыны кенгнге салма.
- Ач къалгъандан, кеч къалгъан къолай.
- Ойнай-ойнай кёз чыгъар.
- Тойгъа барсанг, тоюб бар, эски тонунгу къоюб бар.
- Байлыкъ тауусулур, билим тауусулмаз.
- Окъуу – билимни ачхычы, окъуу – дунияны бачхычы.
- Аманны тукъумуна къарама, игини тукъумун сорма.
- Иги сеники эсе да, сюйген кесимикин этеме.
- Мал ёлсе, сюек къалыр, адам ёлсе, иши къалыр.
- Атлыны кёрсе, джаяуну буту талыр.
- Акъдан къара болмаз.
- Дуния мал дунияда къалады.
- Адамны джюреги нени кёрюрге сюйсе, кёзю да аны кёрюрге ёч болады.
- Элиб деген, элге болушур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аманны эки битли тону болур, бирин сеннге кийдирир, бирин кеси киер.
- Ётюрюк хапар аякъ тюбю бла джюрюйдю.
- Чомартха Тейри да борчлуду.
- Бек ашыкъгъан меннге джетсин, дегенди аракъы.
- Чабакъ башындан чирийди.
- Ишленмеген джаш – джюгенсиз ат, ишленмеген къыз – тузсуз хант.
- Билгенни къолу къарны джандырыр.
- Этек чакъмакълары баш джаргъан, сёлешген сёзлери таш джаргъан.
- Тойчу джашха къарама, къойчу джашха къара.
- Адебсиз адам – джюгенсиз ат.
- Кесине гебен этелмеген, биреуге черен эте эди.
- Адеб этмеген, адеб кёрмез.
- Чомарт къонакъ юй иесин сыйлар.
- Кимни – тили, тиши онглу, кимни – къолу, иши онглу.
- Суу ичген шауданынга тюкюрме.
- Хаухну атма, ёнгкючню сатма.
- Ашарыкъда сайлагъаннга – чий гырджын.
- Ашатыргъа иш – ашхы, ишлетирге аш – ашхы.
- Чакъырылмагъан къонакъ – орунсуз.
- Эртде тургъан бла эртде юйленнген сокъуранмаз.
- Эки итни арасына сюек атма, эки адамны арасында сёз чыгъарма.
Профиль
|
|
|||