- Аллахха ийнаннган кишини, Аллах онгдурур ишин.
- Таш ата билмеген, башына урур.
- Ашхы адам – халкъ байлыгъы, ашхы джер – джашау байлыгъы.
- Билгенни къолу къарны джандырыр.
- Кирсизни – саны таза, халалны – къаны таза.
- Джангызны оту джарыкъ джанмаз!
- Керек ташны ауурлугъу джокъ.
- Адамны бетине къарама, адетине къара.
- Ургъан суудан башынгы сакъла.
- Тура эдим джата, къайдан чыкъды хата?
- Акъыл неден да кючлюдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхы атаны – джашы ашхы, ашхы ананы – къызы ашхы.
- Эркишини аманы тиширыуну джылатыр.
- Ашхылыкъ джерде джатмайды, аманлыкъ суугъа батмайды.
- Къызны минг тилер, бир алыр.
- Ариу сёз – къылычдан джити.
- Бал – татлы, балдан да бала – татлы.
- Сакъламагъан затынга джолукъсанг, не бек къууанаса, не бек ачыйса.
- Тойгъан антын унутур.
- Къарын къуру болса, джюрек уру болур.
- Дууулдаса – бал чибин, къонса – къара чибин.
- Джыйырма къойну юч джыйырма эбзе кюте эди.
- Къызын тута билмеген, тул этер, джашын тута билмеген, къул этер.
- Къобан да къуру да къобханлай турмайды, адам да къуру да патчахлай турмайды.
- Ариу сёз джыланны орнундан чыгъарыр.
- Чакъырылмагъан къонакъ къачан кетерин сормаз.
- Ашаса, ашамаса да, бёрюню ауузу – къан.
- Мени джылытмагъан кюн, меннге тиймесин!
- Келгинчи, къонакъ уялыр, келгенден сора, къонакъбай уялыр.
- Къралынгы – душмандан, башынгы от бла суудан сакъла.
- Этек чакъмакълары баш джаргъан, сёлешген сёзлери таш джаргъан.
- Джарлыны тону джаз битер.
- Атлыны ашхысы, ат тизгининден билинир
- Акъыл бла адеб эгизледиле.
- Бастасын ашагъан, хантусун да ичер.
- Иши джокъну, сыйы джокъ.
- Байлыкъ келсе, акъыл кетер.
- Аман къатын алгъан, арыр, иги къатын алгъан джарыр.
- Сагъышы джокъ – джукъучу, акъылы джокъ – къаугъачы.
- Хата – гитчеден.
- Ач бёрюге мекям джокъ.
- Кёб джат да, бек чаб.
- Чомарт къонакъ юй иесин сыйлар.
- Бюгюн дуния кибик, тамбла ахыратды.
- Зар адамны насыбы болмаз.
- Джылкъыдан – ат чыгъар, тукъумдан – джаш чыгъар.
- Мухар, кеси тойса да, кёзю тоймаз.
- Кёб къычыргъандан – къоркъма, тынч олтургъандан – къоркъ.
- Эринчекни аурууу – кёб.
Профиль
|
|
|||