- Сёлеш деб шай берген, тохта деб, сом берген.
- Нарт сёз – тилни бети.
- Мал ёлсе, сюек къалыр, адам ёлсе, иши къалыр.
- Адамны бетине къарама, адетине къара.
- Чакъырылмагъан къонакъ тёрге атламаз.
- Аманны эки битли тону болур, бирин сеннге кийдирир, бирин кеси киер.
- Аурууну келиую тынч, кетиую – къыйын.
- Тау башында, тау болмаз, джангыз терек, бау болмаз.
- Кёзню ачылгъаны – иги, ауузну джабылгъаны – иги.
- Ашаса, ашамаса да, бёрюню ауузу – къан.
- Атлыны ашхысы, ат тизгининден билинир
- Ач, тоймам, дейди, тойгъан, ач болмам, дейди.
- Азыкълы ат арымаз, къатыны аман джарымаз.
- Ачыу алгъа келсе, акъыл артха къалады.
- Хатерли къул болур.
- Ашда уялгъан – мухар, ишде уялгъан – хомух.
- Къызын тута билмеген, тул этер, джашын тута билмеген, къул этер.
- Уллу къазанда бишген эт, чий къалмаз.
- Джаным-тиним – окъуу, билим.
- Чомартны къолу берекет.
- Ач да бол, токъ да бол – намысынга бек бол.
- Къонагъынгы артмагъын алма да, алгъышын ал.
- Ана кёлю – балада, бала кёлю – талада.
- Сёз сёзню айтдырыр.
- Ашарыкъда сайлагъаннга – чий гырджын.
- Борчунг бар эсе, хурджунунга ойлаб узал.
- Дууулдаса – бал чибин, къонса – къара чибин.
- Арпа, будай – ащды, алтын, кюмюш а – ташды.
- Дженгил джетерикме деб, узун джолну къоюб, къысхасын барма.
- Кимни – тили, тиши онглу, кимни – къолу, иши онглу.
- Тойгъанлыкъ къойгъа джарашады.
- Ишге юренсин къоллары, халкъ бла болсун джоллары.
- Ишленмеклик адамлыкъды.
- Бал чибинни ургъаны – ачы, балы – татлы.
- Ишин билген, аны сыйын чыгъарады.
- Кёб джат да, бек чаб.
- Термилгенинги табмазса, кюлгенинге тюберсе.
- Телиге акъыл салгъандан эсе, ёлгеннге джан салырса.
- Къазанчы аман болса, къазаны къайнамаз.
- Адеби болмагъан къыз – тузсуз хант.
- Аууз сакълагъан – джан сакълар.
- Джылар джаш, атасыны сакъалы бла ойнар.
- Терслик кетер, тюзлюк джетер.
- Къобан да къуру да къобханлай турмайды, адам да къуру да патчахлай турмайды.
- Тюзлюк тас болмайды.
- Акъыл къартда, джашда тюйюлдю – башдады.
- Ачыкъ джюрекге джол – ачыкъ.
- Баланы адам этген анады.
- Аллахха ийнаннган кишини, Аллах онгдурур ишин.
- Харам къарнашдан, халал тенг ашхы.
Профиль
|
|
|
|||