- Атлыны кёрсе, джаяуну буту талыр.
- Эркишини аманы тиширыуну джылатыр.
- Кёб джат да, бек чаб.
- Аллахха ийнаннган кишини, Аллах онгдурур ишин.
- Адам боллукъ, атламындан белгили болур.
- Ач отунчуну ачыуу – бурнунда.
- Хатерли къул болур.
- Садакъачыны джаны – къапчыгъында.
- Ачылгъан эт джабылыр, кёрген кёз унутмаз.
- Джылыгъа джылан илешир.
- Аман киши кеси юйюнде – къонакъ.
- Бети къызарыучу адамны, джюреги харам болмаз.
- Ойнай-ойнай кёз чыгъар.
- Элде адам къалмаса, ит тахтагъа минер.
- Тёзгеннге, джабылгъан эшик ачылыр.
- Хар адамгъа кеси миннген тау кибик.
- Суугъа – чабакъ, къаягъа – ыргъакъ.
- Къанны къан бла джуума, аманны аман бла къуума.
- Иесиз малны бёрю ашар.
- Эл элде бирер малынг болгъандан эсе, бирер тенгинг болсун.
- Ауругъан – джашаудан умутчу.
- Тау башында, тау болмаз, джангыз терек, бау болмаз.
- Окъуусуз билим – джокъ, билимсиз кюнюнг – джокъ.
- Сакъламагъан затынга джолукъсанг, не бек къууанаса, не бек ачыйса.
- Ашхы адам – халкъ байлыгъы, ашхы джер – джашау байлыгъы.
- Чакъырылмагъан джерге барма, чакъырылгъан джерден къалма.
- Аш хазыр болса, иш харам болур.
- Къазанны башы ачыкъ болса, итге уят керекди.
- Сакъалы текени да бар, мыйыгъы киштикни да бар.
- Уллу сёзде уят джокъ.
- Эки къатын алгъанны къулагъы тынгнгаймаз.
- Иги болса, тамадама – махтау, аман болса, меннге – айыб.
- Къонакъ аман болса, къонакъбай джунчур
- Сангырау къулакъ эл бузар.
- Таукел къуру къалмаз.
- Кенгеш болса, уруш болмаз.
- Мухарны эси – ашарыкъда.
- Адеб этмеген, адеб кёрмез.
- Дууулдаса – бал чибин, къонса – къара чибин.
- Уллу атлама – абынырса, уллу къабма – къарылырса.
- Халкъны юйю – туугъан джери.
- Ашыкъгъан cуу, тенгизге джетмез.
- Урунуу – насыбны анасы.
- Ачыкъ джюрекге джол – ачыкъ.
- Гырджын – тепсини тамадасы.
- Эринчекге кюн узун.
- Чыкълы кюнде чыкъмагъан, чыкъса къуру кирмеген.
- Тилчи тилден къаныкъмаз.
- Суу да къайтады чыкъгъан джерине.
- Адамгъа аман кюн соруб келмейди.
Профиль
|
|
|||