- Аджалсыз ёлюм болмаз.
- Кийимни бир кюнню аясанг, минг кюннге джарар.
- Байны къызы баймакъ болса да, юйде къалмаз!
- Юреннген ауруу къалмаз.
- Кюлме джашха – келир башха.
- Бет бетге къараса, бет да джерге къарар.
- Байны оноуу, джарлыгъа джарамаз.
- Мал тутхан – май джалар.
- Рысхы джалгъанды: келген да этер, кетген да этер.
- Акъыллы эркиши атын махтар, акъылсыз эркиши къатынын махтар.
- Айтылгъан сёз ызына къайтмаз.
- Эшекни не къадар тюйсенг да, ат болмаз.
- Сакъалы текени да бар, мыйыгъы киштикни да бар.
- Сабыр джетер муратха, сабырсыз къалыр уятха.
- Джаралыны джастыгъында сау ёлюр.
- Эл бла кёргенинг эрелей.
- Къарнынг къанлынга кийирир.
- Чомартха хар кюн да байрамды.
- Кёб джат да, бек чаб.
- Тойгъа алгъа да барма, тойда артха да къалма.
- Ауузу бла къуш тута айланады.
- Хар сёзню орну барды.
- Огъурлуну сёзю – суу, огъурсузну сёзю – уу.
- Тилчи тилден къаныкъмаз.
- Ач къалгъандан, кеч къалгъан къолай.
- Джангызны оту джарыкъ джанмаз!
- Рысхы – насыбха къор.
- Бал – татлы, балдан да бала – татлы.
- Адамны сабийин сюйген джюреги, бычакъча, джитиди.
- Хар адамгъа кеси миннген тау кибик.
- Къыйынлы джети элни къайгъысын этер.
- Хатерли къул болур.
- Кесине оноу эте билмеген, халкъына да эте билмез.
- Тюз сёз баргъан сууну тыяр.
- Артына баргъанны, къатына барма.
- Сагъышы джокъ – джукъучу, акъылы джокъ – къаугъачы.
- Ёпкелегенни ашы татлы болады.
- Айырылгъанланы айю ашар, бёлюннгенлени бёрю ашар.
- Бек ашыкъгъан меннге джетсин, дегенди аракъы.
- Кимни – тили, тиши онглу, кимни – къолу, иши онглу.
- Джумушакъ терекни къурт ашар.
- Керек ташны ауурлугъу джокъ.
- Байдан умут эте, джарлыдан ёгюз багъасы къорады.
- Миллетни бойну – базыкъ, аны бла кюрешген – джазыкъ.
- Эр абынмай, эл танымаз.
- Нарт сёз къарт болмаз.
- Адам къыйынлыгъын кёлтюрюр, зауукълугъун кёлтюрмез.
- Адеби болмагъан къыз – тузсуз хант.
- Ашатыргъа иш – ашхы, ишлетирге аш – ашхы.
- Джолда аягъынга сакъ бол, ушакъда тилинге сакъ бол.
Профиль
|
|
|||