- Аз сёлешген, къайгъысыз турур.
- Бети бедерден, намыс сакълама.
- Эл бла кёргенинг эрелей.
- Иги адам абынса да, джангылмаз.
- Адамны сыфатына къарама, сёзюне къара.
- Ат басханны джер билед.
- Кесине оноу эте билмеген, халкъына да эте билмез.
- Сёз сёзню айтдырыр.
- Атлыны ашхысы, ат тизгининден билинир
- Ашха уста, юйюнде болсун
- Билими азны – ауузунда кирит.
- Уруну арты – къуру.
- Башланнган иш битер, къымылдагъан тиш тюшер.
- Къарнынг ауруса, ауузунгу тый
- Къолу уллу – асыу, аягъы уллу – джарсыу.
- Хата – гитчеден.
- Адеби болмагъан къыз – тузсуз хант.
- Айтханы чапыракъдан ётмеген.
- Адамны сабийин сюйген джюреги, бычакъча, джитиди.
- Азыгъы аз, алгъа къабар, аты аман, алгъа чабар.
- Ашына кёре табагъы, балына кёре къалагъы.
- Рысхы – сют юсюнде кёмюк кибикди.
- Билим насыб берир, билим джолну керир.
- Тойгъан джерге джети къайт.
- Эл тойса, тоймагъан, эл къойса, къоймагъан.
- Ариу сёз – къылычдан джити.
- Урама да – ёледи, сатама да – келеди.
- Адебсиз адам – джюгенсиз ат.
- Арбаз сайлама да, хоншу сайла.
- Итли къонакъ джарашмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алтыда кюлмеген, алтмышда кюлмез.
- Айныгъанлы алты кюн, тогъайгъанлы тогъуз кюн.
- Нёгер болсанг, тенг бол, тенг болмасанг, кенг бол.
- Къан бла кирген, джан бла чыгъар.
- Ушамагъан – джукъмаз.
- Иги – алгъыш этер, аман – къаргъыш этер.
- Ач бёрюге мекям джокъ.
- Алгъанда – джууукъ, бергенде – джау.
- Юйлю уругъа ит чабмаз.
- Аджашханны ызындагъы кёреди, джангылгъанны джанындагъы биледи.
- Джюрекге ариу – кёзге да ариу.
- Юреннген ауруу къалмаз.
- Джол бла сёзню къыйыры джокъ.
- Битмегеннге сакъал – танг.
- Ач – эснер, ат – кишнер.
- Атынг аманнга чыкъгъандан эсе, джанынг тамагъынгдан чыкъсын.
- Тойгъан антын унутур.
- Къалгъан ишге къар джауар.
- Къарын къуру болса, джюрек уру болур.
Профиль
|
|
|||