- Татлы тилде – сёз ариу, чемер къолда – иш ариу.
- Сакъ юйюне сау барыр.
- Арыгъан къош чамчы болур.
- Чакъырылгъанны аты, чакъырылмагъанны багъасы болур.
- Аман киши кеси юйюнде – къонакъ.
- Термилгенинги табмазса, кюлгенинге тюберсе.
- Тас болгъан бычакъны сабы – алтын.
- Къолу уллу – асыу, аягъы уллу – джарсыу.
- Кюлме джашха – келир башха.
- Айранны сюйген, ийнек тутар.
- Джолда аягъынга сакъ бол, ушакъда тилинге сакъ бол.
- Кесинге джетмегенни, кёб сёлешме.
- Айран тёгюлсе, джугъусу къалыр.
- Ётюрюкню башын керти кесер.
- Аман эсирсе, юйюн ояр.
- Тилчи тилден къаныкъмаз.
- Къатыны харакетли болса, эри къымсыз болур.
- Ашха уста, юйюнде болсун
- Мураты болгъанны джюрек тебюую башхады.
- Эки элинги тыйсанг, джети элде махталырса.
- Аджашхан тёгерек айланыр.
- Агъач – джерни чырайы, кийим – эрни чырайы.
- Ётюрюк хапар аякъ тюбю бла джюрюйдю.
- Сыфатында болмагъаны, суратында болмаз.
- Урама да – ёледи, сатама да – келеди.
- Байма, деб да, къууанма, джарлыма, деб да, джылама.
- Миллетни бойну – базыкъ, аны бла кюрешген – джазыкъ.
- Кёзню ачылгъаны – иги, ауузну джабылгъаны – иги.
- Кесинг сынамагъан затны, адамгъа буюрма.
- Окъугъан озар, окъумагъан тозар.
- Эринчекни эр алмаз, эр алса да, кёл салмаз, кёл салса да, кёб бармаз!
- Къарнынг ауруса, ауузунгу тый
- Хунаны тюбюн къазсанг, юсюнге ауар.
- Чыбыкълыкъда бюгюлмеген, къазыкълыкъда бюгюлмей эди.
- Джаханимни кёрмей, джандетге кёл салмазса.
- Ачлыкъда тары гырджын халыуадан татлы.
- Булут кёкге джарашыу, уят бетге джарашыу.
- Ашына кёре табагъы, балына кёре къалагъы.
- Къоркъакъны кёзю экили кёрюр.
- Ёксюзню къалачы уллу кёрюнюр.
- Нафысынгы айтханын этме, намысынгы айтханын эт.
- Юйюнгден чыкъдынг – кюнюнгден чыкъдынг.
- Джылкъыдан – ат чыгъар, тукъумдан – джаш чыгъар.
- Хаухну атма, ёнгкючню сатма.
- Адебсиз адам – джюгенсиз ат.
- Аякъларынгы джууургъанынга кёре узат.
- Шапа кёб болса, аш татымсыз болур.
- Къар – келтирди, суу – элтди.
- Тилсиз миллет джокъ болур.
- Аман къатын алгъан, арыр, иги къатын алгъан джарыр.
Профиль
|
|
|
|||