- Аман эсирсе, юйюн ояр.
- Игини сыйлагъан адетди.
- Ханы къызы буюгъа-буюгъа киштик болду.
- Къыз чыгъаргъан – къызыл къымжа.
- Адам къыйынлыгъын кёлтюрюр, зауукълугъун кёлтюрмез.
- Къонакъ болсанг, ийнакъ бол.
- Чомартны къолу берекет.
- Бойнуму джети джерден кессенг да, мен ол ишни этеллик тюлме.
- Къартха ушагъан джаш – акъыллы, джашха ушагъан къарт – тели.
- Орундукъ тюбюнде атылсам да, орта джиликме, де да айлан.
- Уллу къашыкъ эрин джыртар.
- Акъыллы башны – тили къысха.
- Джыйырма къойну юч джыйырма эбзе кюте эди.
- Къонакъ хазыр болгъанлыкъгъа, къонакъбай хазыр тюлдю.
- Суугъа – чабакъ, къаягъа – ыргъакъ.
- Ёгюзню мюйюзюнден тутадыла, адамны сёзюнден тутадыла.
- Арыгъан къош чамчы болур.
- Суу ичген шауданынга тюкюрме.
- Ашхы тенг джолгъа салыр, аман тенг джолдан тайдырыр.
- Джаш къарыу бла кючлю, къарт акъыл бла кючлю.
- Мухар, кеси тойса да, кёзю тоймаз.
- Джюрекден джюрекге джол барды.
- Биреу къой излей, биреу той излей.
- Джигер – джаннга къыйынлыкъ.
- Намыс сатылыб алынмайды.
- Эринчекге кюн узун.
- Булут кёкге джарашыу, уят бетге джарашыу.
- Игилик игилик бла сингдирилиучю затды.
- Садакъачыны джаны – къапчыгъында.
- Зарда марда джокъ.
- Аллахха ийнаннган кишини, Аллах онгдурур ишин.
- Дуния малгъа сатылма, кесингден телиге къатылма.
- Аман хансны – урлугъу кёб.
- Джылкъыдан – ат чыгъар, тукъумдан – джаш чыгъар.
- Кесинге джетмегенни, кёб сёлешме.
- Сабий болмагъан джерде, мёлек болмаз.
- Тёгюлген тюгел джыйылмайды.
- Эркиши – от, тиширыу – суу.
- Ким бла джюрюсенг, аны кёзю бла кёрюнюрсе.
- Ханнга да келеди хариблик.
- Байны оноуу, джарлыгъа джарамаз.
- Ашхы болсанг, атынг чыгъар, аман болсанг, джанынг чыгъар.
- Байлыкъ келсе, акъыл кетер.
- Тюзлюк шохлукъну бегитир.
- Къулакъдан эсе, кёзге ышан.
- Гитче джилтин уллу элни джандырыр.
- Насыблы элин сюер, насыбсыз кесин сюер.
- Эшекни не къадар тюйсенг да, ат болмаз.
- Кийиминг бла танылма, адамлыкъ бла таныл.
- Тилчи тилден къаныкъмаз.
Профиль
|
|
|||