- Баш – акъыл ючюн, акъылман – халкъ ючюн.
- Джумушакъ сёз къаты таякъны сындырыр.
- Тынгылагъан тынгы бузар.
- Ариу – кёзге, акъыл – джюрекге.
- Эли джокъну – кёлю джокъ.
- Кесине оноу эте билмеген, халкъына да эте билмез.
- Адеби болмагъан къыз – тузсуз хант.
- Ачылгъан эт джабылыр, кёрген кёз унутмаз.
- Эшекни не къадар тюйсенг да, ат болмаз.
- Киштикге къанат битсе, чыпчыкъ къалмаз эди.
- Тойгъа барсанг, тоюб бар, эски тонунгу къоюб бар.
- Ата Джуртча джер болмаз, туугъан элча эл болмаз.
- Азыкълы ат арымаз, къатыны аман джарымаз.
- Байлыкъ келсе, акъыл кетер.
- Ушамагъан – джукъмаз.
- Окъдан джара эртде-кеч болса да бителир, сёз джара, ёмюрге къалыр.
- Джюз элде джюз ёгюзюм болгъандан эсе, джюз джууугъум болсун.
- Бичгенде ашыкъма, тикгенде ашыкъ.
- Тиширыусуз юй – отсуз от джагъа.
- Ашха уста, юйюнде болсун
- Таукел тауну аудурур.
- Аманнга игилик этсенг, юйюнге сау бармазса.
- Эркиши – от, тиширыу – суу.
- Адам боллукъ, атламындан белгили болур.
- Босагъагъа джууукъ орун болса, ашыгъыб тёрге озма.
- Акъыллы башны – тили къысха.
- Бозаны арты дауур болур.
- Чабакъсыз кёлге къармакъ салгъанлыкъгъа, чабакъ тутмазса.
- Сууда джау джокъ, кёб сёзде магъана джокъ.
- Къонагъынгы артмагъын алма да, алгъышын ал.
- Тас болгъан бычакъны сабы – алтын.
- Тойгъан джерге джети къайт.
- Чакъырылмагъан къонакъ – орунсуз.
- Ариу сёз – къылычдан джити.
- Билим къая тешер.
- Биреуню тёрюнден, кесинги эшик артынг игиди.
- Къыз келсе, джумуш эте келеди, къатын келсе, ушакъ эте келеди.
- Аш хазыр болса, иш харам болур.
- Джыланны къуйругъундан басарынг келсе, аны башы болгъанын унутма.
- Къанны къан бла джуума, аманны аман бла къуума.
- Гырджын – тепсини тамадасы.
- Кёзюнде тереги болгъан, чёбю болгъаннга кюле эди.
- Джигер – джаннга къыйынлыкъ.
- Байлыкъ адамны сокъур этер.
- Соргъан айыб тюлдю, билмеген айыбды.
- Аз сёлешген, къайгъысыз турур.
- Къуллукъчума, деб махтанма, къуллукъ – хаух джамчыды!
- Къартха ушагъан джаш – акъыллы, джашха ушагъан къарт – тели.
- Къонакъ хазыр болгъанлыкъгъа, къонакъбай хазыр тюлдю.
- Аз сёлеш, кёб ишле.
Профиль
|
|
|||