Эльбрусоид :: Форум

Шекер бла туз – бир болмаз, ушамагъан – юй болмаз.
Чакъырылгъанны аты, чакъырылмагъанны багъасы болур.
Артына баргъанны, къатына барма.
От этилмеген джерден тютюн чыкъмайды.
Джангызны оту джарыкъ джанмаз!
Бек ашыкъгъан меннге джетсин, дегенди аракъы.
Уллу атлама – абынырса, уллу къабма – къарылырса.
Керти сёзге тёре джокъ.
Сангырау къулакъ эл бузар.
Бетинги сатма, малынгы сат.
Агъач – джерни чырайы, кийим – эрни чырайы.
Адамны бетине къарама, адетине къара.
Аджаллыгъа окъсуз шкок атылыр.
Акъыллы айтыр эди, акъылсыз къоймайды.
Намыс сатылыб алынмайды.
Берекет берсин деген джерде, берекет болур.
Адам сёзге тынгыла, акъыл сёзню ангыла.
Эм ашхы къайын ана мамукъ бла башынгы тешер.
Тёрдеги кюлсе, эшикдеги ышарыр.
Ханы къызы буюгъа-буюгъа киштик болду.
Ач да бол, токъ да бол – намысынга бек бол.
Кёб ант этген, кёб ётюрюк айтыр.
Эр абынмай, эл танымаз.
Тойгъандан сора, ашны сёкме.
Ариу сёз аурууунгу алыр.
Нёгерсизни джолу узун.
Кёрмегеннге кебек – танг, битмегеннге сакъал – танг.
Къошда джокъгъа – юлюш джокъ.
Аууз сакълагъан – джан сакълар.
Алим болгъандан эсе, адам болгъан къыйынды.
Къонакъ кёб келюучю юйню, къазаны отдан тюшмез.
Эл ауузу – элия.
Джаш къарыу бла кючлю, къарт акъыл бла кючлю.
Бал – татлы, балдан да бала – татлы.
Джюрекден джюрекге джол барды.
Кесине гебен этелмеген, биреуге черен эте эди.
Арпа, будай – ащды, алтын, кюмюш а – ташды.
Накъырданы арты керти болур.
Аллахха ийнаннган кишини, Аллах онгдурур ишин.
Окъуусуз билим – джокъ, билимсиз кюнюнг – джокъ.
Зарда марда джокъ.
Элге къуллукъ этмеген, элге ие болмаз.
Намысы джокъну – дуниясы джокъ.
Тенгинг джокъ эсе – изле, бар эсе – сакъла!
Кёл – къызбай, къол – батыр.
Джарлы тюеге минсе да, ит къабар.
Ат басханны джер билед.
Къарнынг къанлынга кийирир.
Биреуню къыйынлыгъы бла кесинге джол ишлеме.
Ашыкъгъанны этеги бутуна чырмалыр.

Логин:
Пароль:
	Запомнить меня на этом компьютере

Забыли свой пароль?
Регистрация