- Дууулдаса – бал чибин, къонса – къара чибин.
- Ышармагъан – кюлмез, кюлмеген – къууанчны билмез.
- Бети къызарыучу адамны, джюреги харам болмаз.
- Ёлюр джаннга, ёкюл джокъ.
- Тюз сёз баргъан сууну тыяр.
- Ишлерге уял да, ашаргъа табма.
- Джылыгъа джылан илешир.
- Къазанны башы ачыкъ болса, итге уят керекди.
- Ашхы адам – халкъ байлыгъы, ашхы джер – джашау байлыгъы.
- Кёб ант этген, кёб ётюрюк айтыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёрмегеннге кебек – танг, битмегеннге сакъал – танг.
- Алим болгъандан эсе, адам болгъан къыйынды.
- Миллетни бойну – базыкъ, аны бла кюрешген – джазыкъ.
- Билмегенинги, билгеннге сор.
- Юреннген ауруу къалмаз.
- Кёб джашагъан – кёб билир.
- Баргъанынга кёре болур келгенинг.
- Билим ат болуб да чабар, къуш болуб да учар.
- Тойгъан джерден туугъан джер игиди.
- Юре билмеген ит, къонакъ келтирир.
- Малны кют, джерни тюрт.
- Ушамагъан – джукъмаз.
- Тай асырагъан, атха минер.
- Ана къолу ачытмаз.
- Хар зат кесини орнуна иги.
- Аш иеси бла татлыды.
- Хантына кёре тузу, юйюне кёре къызы.
- Сибиртки да сыйлы болду, кюрек да кюнлю болду.
- Юйюнгден чыкъдынг – кюнюнгден чыкъдынг.
- Сууда джау джокъ, кёб сёзде магъана джокъ.
- Эркишини аманы тиширыуну джылатыр.
- Уллу сёлешме да, уллу къаб.
- Адам боллукъ, атламындан белгили болур.
- Джашлыкъ этмеген, башлыкъ этмез.
- Ата джурт – алтын бешик.
- Тойгъанлыкъ къойгъа джарашады.
- Уллу атлама – абынырса, уллу къабма – къарылырса.
- Джылар джаш, атасыны сакъалы бла ойнар.
- Джумушакъ терекни къурт ашар.
- Адамны сабийин сюйген джюреги, бычакъча, джитиди.
- Мураты болгъанны джюрек тебюую башхады.
- Джарлы джети элни сёзюн этер.
- Ауругъаннга – кийик саулукъ, джетген къызгъа – чилле джаулукъ.
- Шапа кёб болса, аш татымсыз болур.
- Сабий кёргенин унутмаз.
- Биреу къой излей, биреу той излей.
- Сакъ юйюне сау барыр.
- Байлыкъ болгъан джерде, тынчлыкъ джокъду.
- Ойнай-ойнай кёз чыгъар.
Профиль
|
|
|
|||