- Тулпарлыкъ, билекден тюл – джюрекден.
- Аш иеси бла татлыды.
- Ойнай билмеген, уруб къачар.
- Ата Джуртуму башы болмасам да, босагъасында ташы болайым.
- Уллу атлама – абынырса, уллу къабма – къарылырса.
- Мени джылытмагъан кюн, меннге тиймесин!
- Байны оноуу, джарлыгъа джарамаз.
- Ариу сёз аурууунгу алыр.
- Ашына кёре табагъы, балына кёре къалагъы.
- Ойнай билмеген, оюн бузар.
- Ауузу аманнга «иги», деме.
- Сангырау къулакъ эл бузар.
- Сыфатында болмагъаны, суратында болмаз.
- Кенгеш болса, уруш болмаз.
- Ишлерге уял да, ашаргъа табма.
- Зар адам ашынгы ашар, кесинги сатар.
- Айран ичген – къутулду, джугъусун джалагъан – тутулду.
- Хар адамгъа кеси миннген тау кибик.
- Ким бла джюрюсенг, аны кёзю бла кёрюнюрсе.
- Бойнуму джети джерден кессенг да, мен ол ишни этеллик тюлме.
- Экеулен сёлеше тура эселе, орталарына барыб кирме.
- Билген билмегенни юретген адетди.
- Шайтан алдады, тюзлюк къаргъады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эркишиге тары кебек танг кёрюнюр.
- Ёмюрлюк шохлукъну джел элтмез.
- Кёб къычыргъандан – къоркъма, тынч олтургъандан – къоркъ.
- Чакъырылмагъан джерге барма, чакъырылгъан джерден къалма.
- Кёзю сокъурдан – къоркъма, кёлю сокъурдан – къоркъ.
- Аджаллыгъа окъсуз шкок атылыр.
- Акъыл сабырлыкъ берир.
- Биреуге аманлыкъ этиб, кесинге игилик табмазса.
- Намысы джокъну – дуниясы джокъ.
- Адам къыйынлыгъын кёлтюрюр, зауукълугъун кёлтюрмез.
- Бир абыннган – минг сюрюнюр.
- Айырылгъанланы айю ашар, бёлюннгенлени бёрю ашар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ариу сёз джыланны орнундан чыгъарыр.
- Илму – джашауну джолу.
- Ишин билген, аны сыйын чыгъарады.
- Чомартха Тейри да борчлуду.
- Айран тёгюлсе, джугъусу къалыр.
- Чабакъсыз кёлге къармакъ салгъанлыкъгъа, чабакъ тутмазса.
- Эки ойлашыб, бир сёлешген.
- Суугъа – таянма, джаугъа – ийнанма.
- Аджалсыз ёлюм болмаз.
- Нёгер болсанг, тенг бол, тенг болмасанг, кенг бол.
- Аман адам элни бир-бирине джау этер.
- Агъач – джерни чырайы, кийим – эрни чырайы.
- Тешигини къатында, чычхан да батыр болур.
Профиль
|
|
|
|||