- Ётюрюкчюню шагъаты – къатында.
- Зар адам ашынгы ашар, кесинги сатар.
- Рысхы джалгъанды: келген да этер, кетген да этер.
- Зар адамны насыбы болмаз.
- Эл тойса, тоймагъан, эл къойса, къоймагъан.
- Тели турса – той бузар.
- Акъыллы эркиши атын махтар, акъылсыз эркиши къатынын махтар.
- Иги сеники эсе да, сюйген кесимикин этеме.
- Зарда марда джокъ.
- Къызын тута билмеген, тул этер, джашын тута билмеген, къул этер.
- Адам туугъан джеринде, ит тойгъан джеринде.
- Джылкъыдан – ат чыгъар, тукъумдан – джаш чыгъар.
- Джолунга кёре – джюрюшюнг, джагъанга кёре – юлюшюнг.
- Аджаллыгъа окъсуз шкок атылыр.
- Билгенни къолу къарны джандырыр.
- Сёлеш деб шай берген, тохта деб, сом берген.
- Аман киши кеси юйюнде – къонакъ.
- Кюн – узун, ёмюр – къысха.
- Аллахха ийнаннган кишини, Аллах онгдурур ишин.
- Алим болгъандан эсе, адам болгъан къыйынды.
- Сабийликде юретмесенг, уллу болса – тюзелмез.
- Айран ичген – къутулду, джугъусун джалагъан – тутулду.
- Джангыз торгъай джырламаз.
- Чакъырылмагъан джерге барма, чакъырылгъан джерден къалма.
- Кютгени беш эчки, сызгъыргъаны уа, джерни джарады.
- Тас болгъан бычакъны сабы – алтын.
- «Ёгюз, джаргъа джууукъ барма, меннге джюк боллукъса», - дегенди эшек.
- Нарт сёз къарт болмаз.
- Кесине оноу эте билмеген, халкъына да эте билмез.
- Ариу сёз джыланны орнундан чыгъарыр.
- Ишленмеклик адамлыкъды.
- Айран тёгюлсе, джугъусу къалыр.
- Хоншуну тауугъу къаз кёрюнюр, келини къыз кёрюнюр.
- Байма, деб да, къууанма, джарлыма, деб да, джылама.
- Ауругъан – джашаудан умутчу.
- Адам къаллай бир ишленмесе, аллай бир кесин уллу кёреди.
- Чалманны аллы къалай башланса, арты да алай барады.
- Соргъан айыб тюлдю, билмеген айыбды.
- Терек ауса, отунчу – кёб.
- Джетген къыз джерли эшекни танымаз.
- Джарлы джети элни сёзюн этер.
- Джогъун бар этген, барын бал этген.
- Дуния мал дунияда къалады.
- Арбаз сайлама да, хоншу сайла.
- Ауругъаннга – кийик саулукъ, джетген къызгъа – чилле джаулукъ.
- Аллахдан тилесенг, кёб тиле.
- Таякъ этден ётер, тил сюекден ётер.
- Нёгер болсанг, тенг бол, тенг болмасанг, кенг бол.
- Иги – алгъыш этер, аман – къаргъыш этер.
- Тай асырагъан, атха минер.
Профиль
|
|
|
|||