- Аш иеси бла татлыды.
- Ачыкъ джюрекге джол – ачыкъ.
- Чёбню кёлтюрсенг, тюбюнден сёз чыгъар.
- Джаз бир кюнню джатсанг, къыш талай кюнню абынырса.
- Туз, гырджын аша, тюзлюк бла джаша.
- Адам къаллай бир ишленмесе, аллай бир кесин уллу кёреди.
- Ойнаб айтсанг да, эслеб айт.
- Къызгъанчдан ычхыныр, мухардан ычхынмаз.
- Адамны бетине къарама, адетине къара.
- Этек чакъмакълары баш джаргъан, сёлешген сёзлери таш джаргъан.
- Башы ишлегенни, ауузу да ишлер.
- Аманны эки битли тону болур, бирин сеннге кийдирир, бирин кеси киер.
- Мал тутхан – май джалар.
- Юй ишлеген балта эшикде къалыр.
- Кёл ашады да, кеси ашады.
- Тилчиден кери бол.
- Чакъырылмагъан джерге барма, чакъырылгъан джерден къалма.
- Тамчы таш тешер.
- Аджашханны ызындагъы кёреди, джангылгъанны джанындагъы биледи.
- Кийимни бир кюнню аясанг, минг кюннге джарар.
- Аш берме да, къаш бер.
- Кечеси – аяз, кюню – къыш, джарлы къаргъагъа бир аш тюш!
- Тёрени джагъы джокъ.
- Ашда – бёрю, ишде – ёлю.
- Къартха ушагъан джаш – акъыллы, джашха ушагъан къарт – тели.
- Кесинге джетмегенни, кёб сёлешме.
- Джангыз терек къынгыр ёсер.
- Билмейме деген – бир сёз
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къазанда болса, чолпугъа чыгъар.
- Уясында не кёрсе, учханында аны этер.
- Джуртун къоругъан озар.
- Адебни адебсизден юрен.
- Сёз садакъдан кючлюдю.
- Къолу уллу – асыу, аягъы уллу – джарсыу.
- Аман киши кеси юйюнде – къонакъ.
- Бёрю да ач къалмасын, эчки да ашалмасын.
- Кёзню ачылгъаны – иги, ауузну джабылгъаны – иги.
- Кюлме джашха – келир башха.
- Нёгер болсанг, тенг бол, тенг болмасанг, кенг бол.
- Эллинг бла джау болсанг да, юйюнг бла джау болма.
- Ётюрюкчюню шагъаты – къатында.
- Джолда аягъынга сакъ бол, ушакъда тилинге сакъ бол.
- Къарнынг тойгъунчу аша да, белинг талгъынчы ишле.
- Гырджын – тепсини тамадасы.
- Душманны тышы – акъ, ичи – къара.
- Рысхы джалгъанды: келген да этер, кетген да этер.
- Ана къойну – балагъа джандет.
- Келинни – келгинчи, бёркню кийгинчи кёр.
- Хансыз джомакъ болмаз.
Профиль
|
|
|
|||