- «Ёгюз, джаргъа джууукъ барма, меннге джюк боллукъса», - дегенди эшек.
- Къарын къуру болса, джюрек уру болур.
- Байма, деб да, къууанма, джарлыма, деб да, джылама.
- Эл ауузу – элек, анга ийнаннган – халек.
- Къарт бла баш аша, джаш бла аякъ аша.
- Рысхысына кёре, джаш ёсер, къышлыгъына кёре, мал ёсер.
- Джылкъыдан – ат чыгъар, тукъумдан – джаш чыгъар.
- Сёз сёзню айтдырыр.
- Азыкълы ат арымаз, къатыны аман джарымаз.
- Джарлы джети элни сёзюн этер.
- Ёлген ийнек сютлю болур.
- Термилгенинги табмазса, кюлгенинге тюберсе.
- Ата – билек, ана – джюрек!
- Чомартны къолу берекет.
- Адам къаллай бир ишленмесе, аллай бир кесин уллу кёреди.
- Ат да турмайды бир териде.
- Окъдан джара эртде-кеч болса да бителир, сёз джара, ёмюрге къалыр.
- Онгсузну – джакъла, тенгликни – сакъла.
- Джарлыны эшигин махтагъан джабар.
- Биреуню эскиси биреуге джангы болмайды.
- Биреуню тёрюнден, кесинги эшик артынг игиди.
- Окъугъан – асыу, окъумагъан – джарсыу.
- Биреу къой излей, биреу той излей.
- Ариу сёз – къылычдан джити.
- Билимсиз иш бармаз.
- Акъыллы башны – тили къысха.
- Тенги кёбню джау алмаз, акъылы кёбню дау алмаз.
- Айтхан – тынч, этген – къыйын.
- Биреуню къыйынлыгъы бла кесинге джол ишлеме.
- Тенгинг джокъ эсе – изле, бар эсе – сакъла!
- Битмегеннге сакъал – танг.
- Байлыкъ болгъан джерде, тынчлыкъ джокъду.
- Къарны аманнга къазан такъдырма, къолу аманнга от джакъдырма.
- Эринчекни аурууу – кёб.
- Ёгюзню мюйюзюнден тутадыла, адамны сёзюнден тутадыла.
- Кютгени беш эчки, сызгъыргъаны уа, джерни джарады.
- Мухардан ач ычхынмаз.
- Эл тойса, тоймагъан, эл къойса, къоймагъан.
- Сёз къанатсыз учар.
- Джырчы ёлсе, джыры къалыр.
- Тилчи бир сагъатха айлыкъ хата этер.
- Ачлыкъ отха секиртир.
- Гырджын – тепсини тамадасы.
- Джерни букъусу кёкге къонмаз.
- Биреуге кёлтюрген таягъынг, кесинги башынга урур.
- Сабыр джетер муратха, сабырсыз къалыр уятха.
- Джеринден айырылгъан – джети джылар, джуртундан айырылгъан – ёлгюнчю джылар.
- Сагъыш – къартлыкъгъа сюйюмчю.
- Ариу сёз – джаннга азыкъ, аман сёз – башха къазыкъ.
- Кёрмегеннге кебек – танг, битмегеннге сакъал – танг.
Профиль
|
|
|||