- Къолу уллу – асыу, аягъы уллу – джарсыу.
- Таула не мийик болсала да, аууш табылыр.
- Тил – кесген бычакъ, сёз – атылгъан окъ.
- Тилчи тилден къаныкъмаз.
- Джюрекден джюрекге джол барды.
- Эки къатын алгъанны къулагъы тынгнгаймаз.
- Баш – акъыл ючюн, акъылман – халкъ ючюн.
- Эки элинги тыйсанг, джети элде махталырса.
- Иги – алгъыш этер, аман – къаргъыш этер.
- Ариу сёз джыланны орнундан чыгъарыр.
- Ёгюзню мюйюзюнден тутадыла, адамны сёзюнден тутадыла.
- Суу кетер, таш къалыр.
- Баш болса, бёрк табылыр.
- Ашына кёре табагъы, балына кёре къалагъы.
- Билими азны – ауузунда кирит.
- Биреу къой излей, биреу той излей.
- Ач келгенни – тойдур, кеч келгенни – къондур.
- Бек ашыкъгъан меннге джетсин, дегенди аракъы.
- Къарын къуру болса, джюрек уру болур.
- Ишге юренсин къоллары, халкъ бла болсун джоллары.
- Ауругъан – джашаудан умутчу.
- Байма, деб да, къууанма, джарлыма, деб да, джылама.
- Тюкюрюк баш джармаз, налат кёз чыгъармаз!
- Ашлыкъны арба юйге келтирир, чана базаргъа элтир.
- Къатыны харакетли болса, эри къымсыз болур.
- Аллахха ийнаннган кишини, Аллах онгдурур ишин.
- Акъыл аздырмаз, билим тоздурмаз.
- Къарны аманнга къазан такъдырма, къолу аманнга от джакъдырма.
- Бюгюн дуния кибик, тамбла ахыратды.
- Къаллай салам берсенг, аллай джууаб алырса.
- Ариу – кёзге, акъыл – джюрекге.
- «Ма», - дегенни билмесенг, «бер», - дегенни билмезсе.
- Эл бла кёргенинг эрелей.
- Ойнаб айтсанг да, эслеб айт.
- Тойгъан антын унутур.
- Адамны аты башхача, акъылы да башхады.
- Уллу атлама – абынырса, уллу къабма – къарылырса.
- Къонакъ аман болса, къонакъбай джунчур
- Ашда уялгъан – мухар, ишде уялгъан – хомух.
- Кимни – тили, тиши онглу, кимни – къолу, иши онглу.
- Тюзлюк тас болмайды.
- Сютню башын джалагъан къутулур, тюбюн ичген тутулур.
- Башда акъыл болмаса, эки аякъгъа кюч джетер.
- Адам сёзюнден белгили.
- Джаз бир кюнню джатсанг, къыш талай кюнню абынырса.
- Акъылсызны джууукъгъа алма, акъыллыны кенгнге салма.
- Ишлемеген – тишлемез.
- Суугъа – таянма, джаугъа – ийнанма.
- Тойгъан джерден туугъан джер игиди.
- Хар зат кесини орнуна иги.
Профиль
|
|
|
|||