- Сормай – алма, чакъырылмай – барма.
- Хар сёзню орну барды.
- Азыкъ аз болса, эртде орун сал.
- Кёбден умут этиб, аздан къуру къалма.
- Тамчы таш тешер.
- Тёрдеги кюлсе, эшикдеги ышарыр.
- Асхат ашлыкъ сата, юйдегиси ачдан къата.
- Чомарт бергенин айтмаз.
- Сагъыш – къартлыкъгъа сюйюмчю.
- Мал кёб болса, джууукъ кёб болур.
- Байлыкъ келсе, акъыл кетер.
- Къыз келсе, джумуш эте келеди, къатын келсе, ушакъ эте келеди.
- Айныгъанлы алты кюн, тогъайгъанлы тогъуз кюн.
- Адамны адамлыгъы къыйынлыкъда айгъакъланады.
- Булут кёкге джарашыу, уят бетге джарашыу.
- Ариу сёзде ауруу джокъ.
- Билим насыб берир, билим джолну керир.
- Элде адам къалмаса, ит тахтагъа минер.
- Эр абынмай, эл танымаз.
- Ичимден чыкъды хата, къайры барайым сата?
- Эринчекге кюн узун.
- Таш бла ургъанны, аш бла ур.
- Керти сёзге тёре джокъ.
- Урама да – ёледи, сатама да – келеди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёксюзню къалачы уллу кёрюнюр.
- Аллахдан тилесенг, кёб тиле.
- Къатын къылыкъсыз, эр тынчлыкъсыз.
- Чомартны къолун джокълукъ байлар.
- Ашарыкъда сайлагъаннга – чий гырджын.
- Джаз бир кюнню джатсанг, къыш талай кюнню абынырса.
- Джюрекге ариу – кёзге да ариу.
- Аманны эки битли тону болур, бирин сеннге кийдирир, бирин кеси киер.
- Мадар болса, къадар болур.
- Иги джашны ышаны – аз сёлешиб, кёб тынгылар.
- Джарлы джети элни сёзюн этер.
- Ашхылыкъ джерде джатмайды, аманлыкъ суугъа батмайды.
- Адам къыйынлыгъын кёлтюрюр, зауукълугъун кёлтюрмез.
- Чомарт къонакъ юй иесин сыйлар.
- Ач да бол, токъ да бол – намысынга бек бол.
- Айтхан – тынч, этген – къыйын.
- Чакъырылмагъан джерге барма, чакъырылгъан джерден къалма.
- Чакъырылмай келген къонакъ сыйланмай кетер.
- Таукел адам тау тешер.
- Тилчи бир сагъатха айлыкъ хата этер.
- Эри аманны, къатыны – аман.
- Тил бла келеди джыр да.
- Акъыллы айтыр эди, акъылсыз къоймайды.
- Аз айтсам, кёб ангылагъыз.
- Игиге айтсанг – билир, аманнга айтсанг – кюлюр.
Профиль
|
|
|
|||