- Джиби бир къат джетмей эди да, эки къат тарта эди.
- Сабийни джумушха джибер да, ызындан бар.
- Терслик кетер, тюзлюк джетер.
- Ишни ахырын ойламай, аллын башлама.
- Ашда – бёрю, ишде – ёлю.
- Бет бетге къараса, бет да джерге къарар.
- Акъыл аздырмаз, билим тоздурмаз.
- Уллу къазанда бишген эт, чий къалмаз.
- Иесиз малны бёрю ашар.
- Эски джаугъа ышанма.
- Аз сёлешген, къайгъысыз турур.
- Ач отунчуну ачыуу – бурнунда.
- Тёрдеги кюлсе, эшикдеги ышарыр.
- Эл ауузу – элия.
- Суу ичген шауданынга тюкюрме.
- Ётюрюкчюню шагъаты – къатында.
- Адам боллукъ, атламындан белгили болур.
- Сакъ юйюне сау барыр.
- Кёл – къызбай, къол – батыр.
- Суу кетер, таш къалыр.
- Тёзген – тёш ашар!
- Ётюрюкню башын керти кесер.
- Босагъа таш юйге кирмей эди, тыбыр таш эшикге чыкъмай эди.
- Эртде тургъан бла эртде юйленнген сокъуранмаз.
- Сагъыш – къартлыкъгъа сюйюмчю.
- Чалманны аллы къалай башланса, арты да алай барады.
- Келлик заман – къартлыкъ келтирир, кетген заман – джашлыкъ ёлтюрюр.
- Окъуу – билимни ачхычы, окъуу – дунияны бачхычы.
- Джылыгъа джылан илешир.
- Аллахха ийнаннган кишини, Аллах онгдурур ишин.
- Чомартны къолун джокълукъ байлар.
- Ишге юренсин къоллары, халкъ бла болсун джоллары.
- Эшекге миннген – биринчи айыб, андан джыгъылгъан – экинчи айыб.
- Джюрек кёзден алгъа кёрюр.
- Къаллай салам берсенг, аллай джууаб алырса.
- Къалгъан ишге къар джауар.
- Къозулугъунда тоймагъан, къойлугъунда тоймаз.
- Кийиминг бла танылма, адамлыкъ бла таныл.
- Джарлыны тону джаз битер.
- Гугук кесини атын айтыб къычыргъанча, мен, мен деб нек тураса?
- Къыз келсе, джумуш эте келеди, къатын келсе, ушакъ эте келеди.
- Чакъырылмагъан джерге барма, чакъырылгъан джерден къалма.
- Дженгил джетерикме деб, узун джолну къоюб, къысхасын барма.
- Кютгени беш эчки, сызгъыргъаны уа, джерни джарады.
- Ашхылыкъ джерде джатмайды, аманлыкъ суугъа батмайды.
- Билимсиз иш бармаз.
- Бёрю да ач къалмасын, эчки да ашалмасын.
- Тойгъан джерден туугъан джер игиди.
- Суугъа – таянма, джаугъа – ийнанма.
- Чыбыкълыкъда бюгюлмеген, къазыкълыкъда бюгюлмей эди.
Профиль
|
|
|
|||