- Ханнга да келеди хариблик.
- Адам боллукъ, атламындан белгили болур.
- Намыс болмагъан джерде, насыб болмаз.
- Тенгни тенглиги джашай барсанг билинир.
- Чабакъсыз кёлге къармакъ салгъанлыкъгъа, чабакъ тутмазса.
- Сабий кёргенин унутмаз.
- Ишлемеген – тишлемез.
- Намысы джокъну – дуниясы джокъ.
- Акъыл къартда, джашда тюйюлдю – башдады.
- Джыйырма къойну юч джыйырма эбзе кюте эди.
- Баргъанынга кёре болур келгенинг.
- Джаным-тиним – окъуу, билим.
- Джетген къыз джерли эшекни танымаз.
- Тик ёргени, тик энгишгеси да болады.
- Хансыз джомакъ болмаз.
- Къаллай салам берсенг, аллай джууаб алырса.
- Адебсиз адам – джюгенсиз ат.
- Сагъыш – къартлыкъгъа сюйюмчю.
- Ичимден чыкъды хата, къайры барайым сата?
- Къазанда болса, чолпугъа чыгъар.
- Таугъа чыгъаллыкъ эсенг, тюзде къалма.
- Ишге юренсин къоллары, халкъ бла болсун джоллары.
- Биреуге аманлыкъ этиб, кесинге игилик табмазса.
- Тин – байлыгъынг, терен саулугъунг.
- Тулпарлыкъ, билекден тюл – джюрекден.
- Итли къонакъ джарашмаз.
- Чомартны къолун джокълукъ байлар.
- Джарлы тюеге минсе да, ит къабар.
- Байлыкъ болгъан джерде, тынчлыкъ джокъду.
- Ишлегенден, къарагъан уста.
- Тёрде – темир таякълы, къаяда – чыпчыкъ аякълы.
- Ашарыкъда сайлагъаннга – чий гырджын.
- Элни кючю – эмеген.
- Эли джокъну – кёлю джокъ.
- Адеб базарда сатылмаз.
- Кёзден кетген, кёлден да кетеди.
- Чакъырылмагъан къонакъ – орунсуз.
- Босагъа таш юйге кирмей эди, тыбыр таш эшикге чыкъмай эди.
- Илму – джашауну джолу.
- От этилмеген джерден тютюн чыкъмайды.
- Азыкъ аз болса, эртде орун сал.
- Терек ауса, отунчу – кёб.
- Эл бла кёргенинг эрелей.
- Билимли ёлмез, билимсиз кёрмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Хунаны тюбюн къазсанг, юсюнге ауар.
- Юйлю уругъа ит чабмаз.
- Мал кёб болса, джууукъ кёб болур.
- Биреуню эскиси биреуге джангы болмайды.
- Хазыр ашха – терен къашыкъ.
Профиль
|
|
|||